پرەزيدەنت قاسىم-جومارت توقاەۆ بيىك مىنبەردەن: «ماسس-مەديا – ەلىمىزدى جاڭعىرتۋ ىسىنە ەرەكشە ىقپال ەتەتىن سالا. سونداي-اق بيلىك پەن قوعام اراسىنداعى پارمەندى بايلانىس قۇرالى. اقپارات قۇرالدارىندا ءتۇرلى كوزقاراس توعىسادى. ونى قوعام تىنىسىنىڭ بارومەترى دەۋگە بولادى. وسى سالاداعى وزەكتى ماسەلەلەردى شەشۋ ءۇشىن اقپارات ساياساتىن تۇبەگەيلى قايتا قاراۋ قاجەت», دەگەن.
مەملەكەت باسشىسىنىڭ بۇل سوزىنەن, باسقاسىن ايتپاعاندا, بۇقارالىق اقپارات قۇرالدارىنىڭ الدىندا ۇلتقا قىزمەت كورسەتۋدىڭ وزىق ۇلگىلەرىنە جۇگىنە وتىرىپ,
ۋاقىت تالابىنا ساي جاڭعىرۋ مىندەتى تۇرعانىن اڭعارۋعا بولادى. شىن مانىندە, اتالعان سالانىڭ تيىمدىلىگىن ارتتىرۋ, وزگەرىس زامانىندا ونى نەگىزگى ۇستانىمىنان اينىتپاي, الەۋەتىن قوعام يگىلىگىنە دۇرىس باعىتتاپ, ىزگى ماقساتقا پايدالانۋ ءۇشىن ناقتى قادامدار جاسالىپ, ءوزىن-ءوزى اقتايتىن اۋقىمدى جوبالار قولعا الىنۋعا ءتيىس.
احمەت بايتۇرسىن ۇلى گازەت قىزمەتى – حالىققا باس, كوز, قۇلاق, ءتىل بولىپ, ۇلتىنىڭ ار-ابىرويىن كۇزەتىپ, جۇرتىن جاقسىلىققا باستاۋىن اماناتتاعان ەدى. ۇلت ۇستازىنىڭ وسى وسيەتى جۋرناليستەردىڭ موينىنداعى جاۋاپكەرشىلىكتىڭ زور ەكەنىن كورسەتەدى.
بۇگىندە ەلىمىزدەگى باق ءوزىنىڭ ۇلت ۇستازى ايتقان نەگىزگى مىندەتىن ابىرويمەن اتقارىپ كەلەدى. اسىرەسە قوعامداعى جاقسىلىقتىڭ جارشىسى بولۋدا, اتتەگەن-ايلار مەن وزەكتى ماسەلەلەردى كوتەرۋدە, اتقارۋشى بيلىكتىڭ نازارىن ەلدى الاڭداتقان تۇيتكىلدەرگە اۋدارۋدا ەلىمىزدەگى باق-تىڭ ءرولى ەرەكشە.
راس, بۇقارالىق اقپارات قۇرالدارىنىڭ, جۋرناليستەردىڭ ەڭبەگى مەملەكەت تاراپىنان ەلەنبەي قالادى, اتالعان سالانى ىنتالاندىرۋ, قولداۋ ءىسى قاپەرگە الىنبايدى دەگەن پىكىر ءجيى ايتىلادى. مۇنداي سارىنداعى پىكىرلەردى جوققا شىعارۋعا بولماس, بىراق اتالعان ماسەلەدە يگىلىكتى باستامالار كوتەرىلىپ, ولاردىڭ لايىقتى جۇزەگە اسىرىلىپ جاتقانىن دا ايتۋىمىز كەرەك. دەسەك تە وتاندىق باق-تى قولداۋ, جۋرناليستەردىڭ الەۋمەتتىك-تۇرمىستىق جاعدايىن كوتەرۋ باعىتىندا ناقتى جوبالار قولعا الىنا باستاعانى كوڭىل قۋانتادى. سونىڭ ءبىر مىسالى رەتىندە بۇقارالىق اقپارات قۇرالدارى قىزمەتكەرلەرىنىڭ كۇنىنە وراي مەديا سالاسىندا قاجىرلى قىزمەت اتقارىپ كەلە جاتقان 65 ءجۋرناليستىڭ وتباسى قۋانىشقا كەنەلدى – باسپانالى بولدى.
وسى جاعىمدى جاڭالىقتان مەملەكەت باسشىسىنىڭ وتاندىق باق-تىڭ بəسەكەگە قابىلەتتىلىگىن ارتتىرۋ مəسەلەسىنە ايرىقشا نازار اۋدارىپ وتىرعانى ايقىن كورىنەدى. مەرەكە قارساڭىندا بەرىلگەن باسپانا جۋرناليستەر قاۋىمىنىڭ ەڭبەگىن ءادىل باعالاۋعا دەگەن بەتبۇرىستىڭ باستالعانىن بىلدىرسە كەرەك. قازاقستان پرەزيدەنتى اكىمشىلىگى باسشىسىنىڭ ورىنباسارى – پرەزيدەنتتىڭ ءباسپاسوز حاتشىسى رۋسلان جەلدىبايدىڭ ايتۋىنشا, وسىنداي مەملەكەتتىك قولداۋ ءəلى دە جالعاسادى.
بيىل باق قىزمەتكەرلەرىنىڭ كəسىبي مەرەكەسى تاماشا تارتۋمەن باستالدى. ۇلتتىڭ ار-ابىرويىن كۇزەتۋ, جۇرتتى جاقسىلىققا باستاۋ, جامانشىلىقتان ساقتاندىرۋ مىندەتىن ابىرويمەن اتقارۋ ماڭىزدى. سول ءۇشىن دە سالاعا مەملەكەت تاراپىنان قولداۋ ءبىلدىرىلۋى, ىنتالاندىرۋ جۇمىستارىنىڭ قولعا الىنۋى قاجەت-اق. بۇل قاجەتتىلىكتى وتەۋ باعىتىنداعى جۇمىستى پرەزيدەنت جاڭاشا سەرپىنمەن باستاپ بەردى دەسە بولادى. جاقسىلىق جالعاسا بەرسىن, اعايىن!
