«بارشاڭىزدى بۇگىنگى بۇقارالىق اقپارات قۇرالدارى قىزمەتكەرلەرىنىڭ كۇنىمەن قۇتتىقتايمىن! ۇزدىك جۋرناليستەردى ماراپاتتاۋ شاراسىندا سىزدەرمەن كەزدەسىپ وتىرعانىما قۋانىشتىمىن. كوپشىلىگىڭىزدى سىرتتاي تانيمىن. ماقالالارىڭىزدى وقىپ تۇرامىن. ەلىمىزدىڭ جۋرناليستيكا سالاسىنا جاس مامانداردىڭ كەلىپ جاتقانى – وتە جاقسى ءۇردىس. جازۋ ءستيلى – ەرەكشە, ەركىن, باتىل, ۇستانىمى اشىق تىلشىلەر بۇل كاسىپتى جاڭا دەڭگەيگە كوتەرەدى دەپ سەنەمىن», دەدى مەملەكەت باسشىسى.
مەملەكەت باسشىسىنىڭ 2023 جىلعى 27 ماۋسىمداعى وكىمىمەن:
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى:
«31 ارنا» تەلەارناسىنىڭ ءتىلشىسى ءالىمجانوۆا يرينا سوۆەتجانقىزىنا;
«وڭتۇستىك قازاقستان» گازەتىنىڭ باس رەداكتورى بالاجان ابايعا;
«كازاحستانسكايا پراۆدا» گازەتىنىڭ ءتىلشىسى ۆولوگودسكايا گالينا يۋرەۆناعا بەرىلدى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى:
«Orda. kz» اقپارات پورتالىنىڭ ءتىلشىسى استاحوۆ يليا دميتريەۆيچكە;
«حابار 24» تەلەارناسىنىڭ ءتىلشىسى بالتاباەۆ ءادىل سەرىك ۇلىنا;
«Tengrinews. kz» اقپارات پورتالىنىڭ ءتىلشىسى دۇيسەنعۇلوۆا رابيعا تابيعاتقىزىنا;
«Qazaqstan» تەلەارناسى اقپاراتتىق-ساراپتامالىق ديرەكتسياسى ديرەكتورىنىڭ ورىنباسارى وماش سالاماتقا تاپسىرىلدى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسى:
«ۆرەميا» گازەتىنىڭ شىعارماشىلىق ۇجىمىنا;
«قىزىلجار-اقپارات» جشس-نىڭ شىعارماشىلىق ۇجىمىنا;
«Kaztag» اقپارات پورتالىنىڭ شىعارماشىلىق ۇجىمىنا;
«TDK-42» تەلەارناسىنىڭ شىعارماشىلىق ۇجىمىنا جاريالاندى.
