2023 جىلعى 31 مامىردا جامبىل وبلىسىنىڭ قورداي اۋدانىنداعى «قاراسۋ» وتكىزۋ پۋنكتىندە شەتەلدىك ازامات تىزگىندەگەن جۇك كولىگى توقتاتىلدى.
«كولىك قۇرالىن تەكسەرۋ بارىسىندا وزگە تاۋارلاردىڭ اراسىنا جاسىرىلعان 800 كەلىگە جۋىق كاننابيس شايىرى تابىلدى. تاركىلەنگەن زاتتاردىڭ «قارا نارىقتاعى» قۇنى 6 ملن اقش دوللارىنان اسا سومادا باعالاندى», دەلىنگەن ۇقك حابارلاماسىندا.
ۇقك ورگاندارى ەسىرتكى زاتتارىن زاڭسىز تاسىمالداۋ جانە وتكىزۋ فاكتىسى بويىنشا پروكۋراتۋرا ورگاندارىمەن بىرىگىپ, سوتقا دەيىنگى تەرگەۋ ارەكەتتەرىن باستادى.
جەدەل-تەرگەۋ ءىس-شارالارى بارىسىندا تاركىلەنگەن ەسىرتكى زاتتارى رەسەي فەدەراتسياسىنداعى قىلمىستىق توپ مۇشەلەرىنە ارنالعانى انىقتالدى.
رەسەيدىڭ قۇزىرەتتى ورگاندارىمەن بىرلەسكەن ءىس-شارالار بارىسىندا ەسىرتكى ترافيگىنىڭ ۇيىمداستىرۋشىلارى ۇستالدى.
