پرەزيدەنت قاسىم-جومارت توقاەۆ فورۋمعا قاتىسۋشىلارعا ارناعان قۇتتىقتاۋ بەينە-ۇندەۋىندە قازىر ايماق ءۇشىن تۇراقتىلىقتى ساقتاۋ جانە قاۋىپسىزدىكتى نىعايتۋ اسا ماڭىزدى مىندەت ەكەنىن اتاپ ءوتتى. ول ءۇشىن ىقتيمال قاۋىپكە دۇرىس بولجام جاساۋ, الدىن الا ارەكەت ەتۋ شارالارى جانە جاڭا ءارى ساپالى ورتاق ادىستەردى جەدەل ازىرلەۋ ماڭىزدى.
باسقوسۋدا قازىرگى حالىقارالىق جاعدايدى جانە ايماقتاعى ەلدەردىڭ ۇلتتىق مۇددەلەرىن ەسكەرە وتىرىپ, ىنتىماقتاستىقتىڭ ناقتى سالالارىن دامىتۋ قاراستىرىلدى. پرەزيدەنت كومەكشىسى, قازاقستان قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ىنتىماقتاستىقتىڭ باسىم باعىتتارىن, ونىڭ ىشىندە اۋعانستانداعى جاعدايدى تۇراقتاندىرۋعا, كولىك جانە ازىق-ت ۇلىك قاۋىپسىزدىگىن قامتاماسىز ەتۋدە بىرلەسىپ ارەكەت ەتۋدى ۇسىندى. كليماتتىڭ وزگەرۋى جاعدايىندا ورتاق ەكوجۇيەنى ساقتاۋ ءۇشىن سۋ قاۋىپسىزدىگى ماسەلەسى ەرەكشە نازار اۋدارۋدى قاجەت ەتەتىن تاقىرىپ رەتىندە تالقىلاندى.
سونىمەن قاتار عيزات نۇرداۋلەتوۆ پەن رەسەي قاۋىپسىزدىك كەڭەسىنىڭ حاتشىسى نيكولاي پاترۋشەۆتىڭ توراعالىعىمەن ەكىجاقتى كەزدەسۋدە تاراپتار ورتالىق ازياداعى تەرروريزم مەن ءدىني ەكسترەميزمگە قارسى ءىس-قيمىل بويىنشا ىنتىماقتاستىقتى تالقىلاپ, قازىرگى گەوساياسي جاعدايعا باعا بەردى. وعان ءتيىستى مەملەكەتتىك ورگانداردىڭ باسشىلارى مەن قىزمەتكەرلەرى قاتىستى.
جيىن قورىتىندىسىنا سايكەس ورتالىق ازيا مەملەكەتتەرى اراسىنداعى ديپلوماتيالىق قارىم-قاتىناستار نىعايىپ, قاۋىپسىزدىك سالاسىنداعى ىنتىماقتاستىقتى دامىتۋ جاندانا بەرەتىنى ايتىلدى.
الماتى
