ەلىمىزدە تاكسي مەن ونىڭ جۇرگىزۋشىلەرىنىڭ قىزمەتى ارنايى ەرەجەمەن بەكىتىلگەنى بەلگىلى. وسى قۇجات بويىنشا تاكسي جۇرگىزۋشىلەرى ەڭ الدىمەن جەكە كاسىپكەر رەتىندە تىركەلۋى, جولاۋشى تاسىمالىمەن اينالىساتىنى تۋرالى سايكەستىك قۇجاتى بولۋى, كولىكتەرىن تاكسي بەلگىسىمەن جابدىقتاپ, جۇرگىزۋشىلەر ارنايى كيىم ۇلگىلەرىن كيۋگە مىندەتتى ەدى. سونداي-اق كولىك سالونىندا جولاۋشىلاردىڭ كوز الدىندا جۇرگىزۋشىنىڭ فوتوسۋرەتى, اتى-ءجونى كورسەتىلگەن ۆيزيت كارتوچكاسى, تاسىمالداۋشىنىڭ رەسمي اتاۋى, ونىڭ مەكەنجايى مەن تەلەفون ءنومىرى كورسەتىلگەن اقپاراتتىق تاقتا بولۋىن دا وسى ەرەجە مىندەتتەيدى.
«اتامەكەن» ۇكپ باسقارۋشى ديرەكتورىنىڭ ورىنباسارى الىشەر تۇرسىننىڭ ايتۋىنشا, نارىقتىڭ وسى سەگمەنتىندە وتاندىق تاكسي قىزمەتىنىڭ باسىمدىقتا بولۋى ماڭىزدى. «مونيتورينگ بارىسىندا قاربالاس ۋاقىتتا باعانىڭ 6000 تەڭگەدەن 8000 تەڭگەگە دەيىن اۋىتقىپ تۇراتىنىن انىقتادىق. قازىر نارىقتا ءداستۇرلى كولىك تۇرىنەن بولەك ەلەكتروكارلار دا بار. ولاردىڭ الماتى اۋەجايىنان شىمبۇلاققا دەيىنگى جولاقىسى 12 مىڭ تەڭگە دەپ بەلگىلەندى», دەيدى ساراپشى.
بۇل باعانىڭ دا تۇراقتى باعا ەمەس ەكەنى جيىن بارىسىندا بەلگىلى بولدى. جولاۋشىلار ءۇشىن ۇسىنىلاتىن باعا قۇنى اۋا رايىنا, سۇرانىسقا جانە باسقا دا دەرەكتەرگە بايلانىستى وزگەرۋى مۇمكىن. الماتى اۋەجايىندا ءتۇرلى باعىتقا باعا شاماسى تۋرالى قازاق, ورىس, اعىلشىن جانە قىتاي تىلدەرىندە ارنايى باننەرلەر ورناتىلدى. تۋريستەر قوسىمشانى QR كودتارى ارقىلى جۇكتەي الادى. «باعا 12 مىڭ تەڭگەدەن اسپاۋى ءۇشىن شەتەلدىك تۋريستەر باعا دياپازوندارى تۋرالى حاباردار بولۋى ماڭىزدى. شەتەلدىك تۋريست ءۇشىن شامامەن مارشرۋت جاسادىق. قالانى, سونداي-اق وسىنداي ورىندارعا باننەرلەر قويۋدى, «باننەردە ءۇش وتاندىق جانە ەكى شەتەلدىك تاكسي قىزمەتىن كورسەتەدى. شەتەلدىك قىزمەتتەردىڭ كارتوگرافيادا جانە ورنالاسقان جەرىن انىقتاۋدا مۇمكىندىكتەرى كوبىرەك. بۇل جاعىنان ولار ۇتادى. جۇمىس مۇنىمەن توقتاپ قالمايدى, ءبىز جالعاستىرامىز. تاسىلدەرىمىزدى, جوبالارىمىزدى جەتىلدىرۋ جانە مۇددەلى ورگاندارمەن جۇمىس جاساۋ», دەدى ول.
ءا.تۇرسىننىڭ ايتۋىنشا, شەتەلدىك تۋريستەردىڭ قالاعا كەلگەن بويدا قاي باعىتقا باسىمدىق بەرەتىنى الدىن الا زەرتتەلدى. مىسالى, مەدەۋ نەمەسە شىمبۇلاق بولسا, سول باعىتتاعى قوناقۇيلەرگە توقتايدى. بۇل رەتتە تۋريستەردىڭ الماتىداعى ەڭ جوعارعى باعانىڭ ورتاق كورسەتكىشى 12 مىڭ تەڭگەدەن اسپايتىنىن ءبىلۋى ءبىز ءۇشىن ماڭىزدى. «باننەردە ءۇش وتاندىق جانە ەكى شەتەلدىك تاكسي كومپانياسى قىزمەت كورسەتەتىنى ايتىلعان. شەتەلدىك قىزمەتتەردىڭ كارتوگرافيادا جانە ورنالاسقان جەرىن انىقتاۋدا مۇمكىندىكتەرى كوبىرەك. بۇل جاعىنان ولار ۇتادى. جۇمىس مۇنىمەن توقتاپ قالمايدى, ءبىز الداعى ۋاقىتتا وسى باعىتتاعى زەرتتەۋلەرىمىزدى جەتىلدىرە بەرەمىز. نارىقتىڭ زاڭى ءبىر باعامەن تۇراقتاپ قالعاندى قۇپ كورمەيدى. باعانىڭ سۇرانىس پەن ۇسىنىستىڭ دەڭگەيىنە قاراي رەتتەلىپ وتىرعانى ماڭىزدى», دەپ ءسوزىن تۇيىندەدى ءا.تۇرسىن.
الماتى اۋەجايىنىڭ ءباسپاسوز قىزمەتىنىڭ جەتەكشىسى نايليا جابعينا اۋەجايدى حاباردار ەتۋ قىزمەتى كەلگەن جولاۋشىلارعا قالا بويىنشا ءجۇرۋدىڭ ىقتيمال جولدارى تۋرالى ەسكەرتەتىنىن اتاپ ءوتتى. اۋەجاي قىزمەتكەرلەرى جۇكتى قابىلداۋ ايماعىندا جانە حالىقارالىق كەلۋ زالىنان شىعابەرىستە كەلۋشىلەرگە پاراقشالار تاراتادى.
«الماتى اۋەجايى» اق ءبولىمىنىڭ باستىعى رۋسلان قوزىباقوۆ وسىعان دەيىن دە باعا ماسەلەسى توڭىرەگىندە تۋىنداپ جاتقان تۇيتكىلدەردى رەتتەۋ ءۇشىن بىرقاتار قادامعا بارعانىن ايتتى. الماتى قالاسى قۇقىق قورعاۋ ورىندارىمەن بايلانىس تۇراقتى. تۋريستىك پوليتسيا شەتەلدەن كەلۋشىلەردى قارسى الىپ, تۇسىندىرمە جۇمىستارىن جۇرگىزەدى. ءتىل بىلمەيتىندەردى پوليتسيا قىزمەتكەرلەرى تاكسيگە شىعارىپ سالىپ, تاريفتەردى ەسكەرتەدى.
ەسكە سالساق, الماتىدا شەتەل ازاماتتارىن اۋەجايدان قوناقۇيگە دەيىن 800 دوللارعا جەتكىزگەن تاكسي جۇرگىزۋشىسى جازالانعان ەدى. ونىڭ الدىندا شەتەل ازاماتتارىنان تاسىمال قىزمەتى ءۇشىن قوماقتى قارجى العان تاكسي جۇرگىزۋشىسى بەس تاۋلىككە قامالعان بولاتىن.
الماتى
