دۇيسەنالى الىماقىن 2021 جىلدىڭ تامىز ايىنان باستاپ «Egemen Qazaqstan» رەسپۋبليكالىق گازەتىندە ءتىلشى قىزمەتىن لايىقتى دەڭگەيدە اتقارىپ كەلەدى. قازاقستان جازۋشىلار وداعىنىڭ مۇشەسى, رەسپۋبليكالىق «التىن توبىلعى» ادەبي بايقاۋىنىڭ جەڭىمپازى (2021 جىل). «قاراشا قۇستار عازالى», «جانارىمدا ءتۇن سويلەيدى» جىر كىتاپتارى جارىق كورگەن.
ايتا كەتەيىك, بيىل 182 قازاقستاندىق «بولاشاق» حالىقارالىق ستيپەندياسىنىڭ يەگەرى اتاندى. ونىڭ ىشىندە 149 ادام الەمنىڭ ۇزدىك جوعارى وقۋ ورىندارىنىڭ ماگيستراتۋراسىندا, 7 ادام دوكتورانتۋراسىندا ءبىلىم الادى, 26 قازاقستاندىق الەمنىڭ جەتەكشى جوعارى وقۋ ورىندارى مەن وندىرىستىك ورتالىقتارىندا تاعىلىمدامادان وتەدى.
