قاسيەتتى «قۇربان ايت» مەرەكەسى قارساڭىندا اسا قاۋىپتى جۇقپالى اۋرۋلاردىڭ, جاپپاي تاماقتان ۋلانۋدىڭ جانە مال ساتۋ, قۇرباندىق شالۋ كەزىندە ءجىتى ىشەك ينفەكتسيالارىنىڭ الدىن الۋ ماقساتىندا كەلەسى تالاپتار ساقتالۋى قاجەت.
مال ساتۋ, سويۋ بەكەتتەرىندە:
- قۇرباندىققا شالىناتىن مالداردى ساتۋ مەن سويۋ ارنايى ورىنداردا, ءتيىستى ۆەتەرينارلىق قۇجاتتارمەن (ۆەتەرينارلىق پاسپورت, قۇلاق سىرعالارى) جۇزەگە اسىرۋ;
- مال سويۋ ورىندارىندا سانيتاريالىق-ەپيدەميولوگيالىق تالاپتاردى قاتاڭ ساقتاۋ (سۋمەن جابدىقتاۋ, كارىز جۇيەلەرىنىڭ بولۋى), مال سويۋ بارىسىندا شىققان قالدىقتاردى ۋاقتىلى زالالسىزداندىرىپ, شىعارۋ;
- قىزمەتكەرلەردە مەديتسينالىق كىتاپشالاردىڭ بولۋى, جەكە باس گيگيەناسىن قاتاڭ ساقتاۋ.
ءۇي جاعدايىندا:
- قوناقتاردىڭ قول جۋىنا جاعدايدىڭ بولۋى;
- تاماقتانۋ بولمەلەرىن تۇراقتى جەلدەتۋ;
- شيكىزات پەن تاماق ونىمدەرىن قاۋىپسىزدىگىن كۋالاندىراتىن تاۋاردىڭ ىلەسپە قۇجاتتاماسى بار ورىنداردان ساتىپ الۋ;
- ءۇي جاعدايىندا دايىندالعان كونسەرۆى (سالاتتار, ەت, قۇس, بالىق, ساڭىراۋقۇلاق جانە ت.ب.) ونىمدەرىن پايدالانار الدىندا 15-20 مينۋت تەرميالىق وڭدەۋدەن وتكىزۋ;
- ەت, قۇس, جۇمىرتقادان تەز بۇزىلاتىن تاعامدار, سونداي-اق پاشتەتتەر, اسپازدىق ونىمدەر, كرەمى بار كونديتەرلىك ونىمدەر, سالاتتاردى دايىنداعاننان كەيىن بىردەن قولدانۋ, ساقتاۋ تالابى بۇزىلعاندا, كەلەسى كۇنى پايدالانباۋ;
- تەرىنىڭ ءىرىڭدى اۋرۋلارى, ءىرىڭدى كەسىلگەن جاراقاتتار, كۇيىكتەر, جارالار, سونداي-اق جوعارى تىنىس الۋ جولدارىنىڭ اۋرۋى بولعان جاعدايدا تاماق ازىرلەۋگە قاتىسپاۋ كەرەك.
قوعامدىق تاماقتانۋ نىساندارى مەن مەشىتتەردە:
- سۋىق, ىستىق سۋمەن جابدىقتاۋ, سۋ تارتۋمەن قامتاماسىز ەتۋ, كەلۋشىلەر مەن پەرسونالعا ارنالعان راكوۆينالار, قول جۋ, ءسۇرتۋ جانە (نەمەسە) كەپتىرۋ قۇرىلعىلارىمەن جانە قۇرالدارمەن جاراقتاۋ;
- جەلدەتۋ, اۋا باپتاۋ جۇيەلەرىنىڭ ۇزدىكسىز جۇمىس ىستەۋى;
- تاۋاردىڭ قاۋىپسىزدىگىن قامتاماسىز ەتەتىن ىلەسپە قۇجاتتاماسىنىڭ بولۋى;
- تاماقتانۋ وبەكتىسىنىڭ شارۋاشىلىق ايماعىندا سانيتاريالىق-گيگيەنالىق جاعدايلاردى قامتاماسىز ەتۋ;
- پەرسونالدا ارنايى كيىمنىڭ, مەديتسينالىق قاراپ-تەكسەرۋدەن, گيگيەنالىق وقىتۋدان وتكەن جانە جۇمىسقا رۇقساتى بار جەكە مەديتسينالىق كىتاپشاسىنىڭ بولۋى;
- كۇن سايىن جۇمىس اۋىسىمى باستالار الدىندا پەرسونالدى مەديتسينالىق قاراپ-تەكسەرۋ.
ەستەرىڭىزگە سالا كەتەيىك, جوعارىدا اتالعان سانيتاريالىق-ەپيدەميولوگيالىق تالاپتاردى ساقتاماۋ حالىق اراسىندا تاماقتان ۋلانۋ جانە اسا قاۋىپتى, ءجىتى ىشەك ينفەكتسياسى جاعدايلارىنىڭ تۋىنداۋىنا ىقپال ەتۋى مۇمكىن.
