«وڭتۇستىك-شىعىس شاعىن اۋدانىنىڭ (الماتى اۋدانى) تۇرعىندارىمەن كەزدەستىم. بۇل شاعىن اۋداندا 80 مىڭنان استام ادام تۇرادى. تۇرعىندار ينجەنەرلىك جەلىلەر, جولدار, الەۋمەتتىك نىساندار سالۋ, اباتتاندىرۋ, اۆتوبۋس سانىن ارتتىرۋ, ينتەرنەت سەكىلدى وزگە دە ماسەلەلەردى كوتەردى», دەپ جازدى جەڭىس قاسىمبەك Instagram پاراقشاسىندا.
قالا اكىمىنىڭ ايتۋىنشا, شاعىن اۋدانداعى باستى مىندەت – ينجەنەرلىك جەلىلەر مەن جولدار سالۋ, اباتتاندىرۋ.
ء«بىز ەڭ ءبىرىنشى كەزەكتە وسى جۇمىستاردى ورىندايمىز. سونداي-اق وڭتۇستىك-شىعىستا مەكتەپ سالىنادى. بالالاردىڭ بوس ۋاقىتىن ءتيىمدى وتكىزۋى ءۇشىن ارنايى ورىندار اشۋ ماڭىزدى ەكەنىن ەسكەرە وتىرىپ, اۋلالار مەن قوعامدىق كەڭىستىكتەر, سول سياقتى دەنە شىنىقتىرۋ-ساۋىقتىرۋ كەشەندەرىن سالامىز. بالالاردى كوبىرەك قامتۋ ءۇشىن ءۇش جىل ىشىندە 15 وقۋشىلار سارايىن سالۋدى جوسپارلاپ وتىرمىز. ولاردىڭ بەسەۋىنىڭ قۇرىلىسى كۇزدە باستالادى. ولاردىڭ ءبىرى وڭتۇستىك-شىعىس شاعىن اۋدانىندا ورنالاسادى», دەپ قوستى ەلوردا اكىمى.
كەزدەسۋ بارىسىندا 2023 جىلى جالپى قالا بويىنشا 6 مىڭعا جۋىق الەۋمەتتىك پاتەر, 11 مەكتەپ, 150-دەن استام اۋلا مەن قوعامدىق كەڭىستىك سالۋ, 400-گە جۋىق جاڭا اۆتوبۋس الۋ جوسپارلانىپ وتىر.
«كوتەرىلگەن ماسەلەلەردى شەشۋ جۇمىسى قولعا الىندى. شاعىن اۋداندار مەن ەلدى مەكەندەردى جۇمىس كەستەسىنە سايكەس دامىتامىز», دەپ تۇيىندەدى جەڭىس قاسىمبەك.
