ءادىل اعانىڭ ومىردەن وزعانىنا الداعى قىركۇيەكتە ءتورت جىل تولادى. «ەگەمەندە» قىزمەت ىستەگەن جىلداردا قازاقتىڭ ماڭدايالدى تۇلعالارىمەن قاناتتاس, ارىپتەس بولعان, قازاق زيالىلارىنىڭ ىستىق ىقىلاسىنا بولەنە بىلگەن ءادىل دۇيسەنبەك تۋرالى ءالى تالاي ەستەلىك جازىلادى دەپ ويلايمىز. ال ءبىز جوعارىدا ءسوز ەتكەن جيناقتاعى ەستەلىكتەر اسىل اعا تۋرالى بولاشاقتا جازىلار جۇرەكجاردى ەسسە-تولعانىستاردىڭ باستاماسى دەپ بىلەمىز.
ء«ادىلدىڭ شىنشىل الەمىن» – جاقسى ادام, ونەگەلى ءومىر يەسى, اينالاسىنا جان جىلۋىن توگە بىلگەن جايساڭ جان ءادىل اعاعا دەگەن لايىقتى ەسكەرتكىش دەپ ۇعامىز.
بۇل كىتاپقا بەلگىلى قالامگەرلەر د.يسابەكوۆ, ە.ءالىمجان, ج.بەيسەنباي ۇلى, د.ىسقاق ۇلى باستاعان ارىپتەس-زامانداستارى, كۋرستاستارى, ءىنى-باۋىرلارى, جۇبايى مەن ۇرپاقتارىنىڭ سوڭىندا ەلەۋلى ەڭبەگى, شىنايى تۋىندىلارى قالعان ءادىل دۇيسەنبەكتىڭ ادامي بولمىسىن اشا تۇسەتىن, قالامگەرلىك قۋاتىن ايقىندايتىن ەستەلىكتەر ەنگىزىلگەن.
جيناقتا Ə.دۇيسەنبەكتىڭ ادامگەرشىلىك بولمىسى, جۋرناليستيكا سالاسىنداعى ءونىمدى ەڭبەگى عانا ەمەس, əر جىلداردا جازعان سۇبەلى كوركەم شىعارمالارى جونىندە دە كەڭىنەن ءسوز قوزعالعان. بۇل ءوز كەزەگىندە ءادىلدىڭ شىنشىل الەمىنەن مولىنان حاباردار ەتەدى. ويتكەنى ول – قازاق رۋحانياتىنا ۇلكەن ولجا سالعان قالامگەر. بۇل ءسوزىمىزدى جازۋشىنىڭ əڭگىمەلەرى مەن پوۆەستەرى بىرنەشە ۇجىمدىق جيناققا ەنىپ, باسپادان «اق كۇمبەز», «كوكجيەك», «جۇرەك جىلۋى», «تەرگەۋ ءəلى بىتكەن جوق», «كوكجيەك», «قارا شاڭىراق, «شەراعامنىڭ شەرۋى» دەگەن كىتاپتارىنىڭ جارىق كورگەنى راستايدى.
قالامىن قارۋ, ادىلدىكتى تۋ ەتكەن ءادىل دۇيسەنبەكتىڭ ونەگەلى ءومىرى, سوڭىندا قالعان شىعارمالارى, ادال ەڭبەگى جاس ۇرپاققا زور تاعىلىم, ۇلگى.
