رۋسلان ەمەلباەۆ ۇسىنعان رەسمي دەرەكتەرگە سايكەس, جىل سايىن ۇبت-داعى ەرەجە بۇزۋشىلاردىڭ سانى ازايىپ كەلە جاتىر. ماسەلەن, 2019 جىلى تەستىلەۋگە كىرگىزۋ بارىسىندا 128 مىڭ, 2020 جىلى – 2522, 2021 جىلى – 756, 2022 جىلى – 327 تىيىم سالىنعان زات انىقتالدى. مۇنداعى كورسەتكىش 400 ەسەگە ازايعانىن بايقاۋعا بولادى. ۇتو ديرەكتورىنىڭ ايتۋىنشا, بۇل تالاپكەرلەردىڭ ءوز بىلىمدەرىنە سەنىپ, اكادەميالىق ادالدىق ەرەجەلەرىمەن جاقسى تانىس ەكەنىن كورسەتەدى.
«دەسە دە, ساقتىقتا قورلىق جوق دەپ شپارگالكالارعا جۇگىنەتىن تالاپكەرلەر ءالى دە بار. ۇبت-نىڭ 5 اپتاسى بويىنشا «ەڭ كرەاتيۆتى شپارگالاردى» وسى جازبادا ۇسىنىپ وتىرمىن. تالاپكەرلەردىڭ وكىنىشىنە قاراي, ءبىزدىڭ قىراعى باقىلاۋشىلاردى الداۋ مۇمكىن بولمادى. بالالاردىڭ ەرەكشە شىعارماشىلىق جۇمىستارى بىردەن انىقتالدى», دەپ جازدى رۋسلان ەمەلباەۆ ءوزىنىڭ Instagram پاراقشاسىندا.
ونىڭ ايتۋىنشا, وتكەن جىلى پوستمونيتورينگ ناتيجەسىندە 200-دەن استام تالاپكەردىڭ ناتيجەسى جويىلدى, ونىڭ ىشىندە 137-ءى گرانت يەگەرى بولعان. بيىل دا بۇل جۇمىس ءوز جالعاسىن تابادى.
«نەگىزگى 2023 جىلعى ۇبت-نىڭ مارە سىزىعىنا 2 اپتا قالدى. تاعى ءبىر مارتە تالاپكەرلەردى اكادەميالىق ادالدىق پرينتسيپتەرىن ساقتاۋعا شاقىرامىن. جەتىستىككە جەتۋدىڭ باستى شارتى ءبىلىمدى بولۋ ەكەنىن ۇمىتپاڭىزدار. ساتتىلىك!», دەپ تۇيىندەدى رۋسلان ەمەلباەۆ.
