ۇلىتاۋ وبلىسىنداعى جوبانىڭ العاشقى تۇساۋكەسەرى ساتباەۆ قالاسىنداعى تولەك باتىر الاڭىندا بولدى. «مەيىرىمدى جۇرەك» دەپ اتالعان دەمالىس كەشىن قالاداعى وقۋشىلار سارايى, ونەر مەكتەبى جانە №2 مۋزىكا مەكتەبى بىرلەسىپ اتقاردى. اتالعان ءىس-شاراعا 300-گە جۋىق وقۋشى جانە ولاردىڭ اتا-انالارى تارتىلدى. ايرىقشا اتاپ وتەرلىگى, ءىس-شارا قايىرىمدىلىق اياسىندا ءوتتى. كەشكە ەرەكشە كۇتىمدى قاجەت ەتەتىن بالالار ارنايى قوناق رەتىندە شاقىرىلدى.
بالالار مەن اتا-انالار ۇلتتىق ويىنداردىڭ سايىستارىنا قاتىستى. ارقان تارتۋ, اسىق اتۋعا بالا دا, ۇلكەن دە قاتىسىپ, مارە-سارە بولدى. ون ساۋساعىنان ونەر تامعان ىسمەرلەر بالالارعا سول جەردە كەستە تىگىپ, مونشاق توقۋ, ت.ب. ۇيرەتتى. «دۋىلداعان وركەستر» ونەرگە قىزىعۋشىلىق تانىتقان بالالارعا كەز كەلگەن مۋزىكالىق اسپاپتا ويناپ, ءوز قابىلەتتەرىن بايقاپ كورۋگە مۇمكىندىك بەردى. وقۋشىلار سارايىندا بيىلدان باستاپ جۇمىس ىستەي باستاعان ساداق تارتۋ ۇيىرمەسىنىڭ «سۇرمەرگەندەرى» دە كەشتىڭ قىزىقتى دا مازمۇندى وتۋىنە بەلسەنە اتسالىستى.
– ماسەلە جەڭىس نەمەسە جەڭىلىستە ەمەس. مۇنداي ءىس-شارا ءبىر-ءبىرىمىزدى تانىپ-بىلۋگە, بالالاردى ۇلتتىق قۇندىلىقتارعا جاقىنداتا تۇسەدى. سوندىقتان ۇيىمداستىرۋشىلارعا العىس ايتامىز, دەيدى اتا-انالار لەبىزىن جەتكىزگەن لاۋرا سماعۇلوۆا.
قالالىق ءبىلىم بولىمىنە قاراستى ءۇش قوسىمشا ءبىلىم بەرۋ ۇيىمىندا 7 مىڭعا جۋىق بالا بار. ولاردىڭ ىشىندە ونەرلى ورەندەر كوپ-اق. كەش بارىسىندا ولار سول وزدەرى جاساعان زاتتارىنان جارمەڭكە وتكىزدى. ال تۇسكەن قارجىنى ەرەكشە بالالار تاربيەلەنەتىن ورتالىققا بەرىلدى.
ۇلىتاۋ وبلىسى
