وبلىس جاستارىنىڭ زاماناۋي قۇزىرەتتىلىكتەرى مەن قابىلەتتەرىن ارتتىرۋ, ولاردىڭ تۇلعالىق قالىپتاسۋىن شىڭداۋ, ەلىمىزدەگى جاستار ساياساتىن جەتىلدىرۋ ماسەلەلەرى مەن مۇمكىندىكتەرىن تالقىلاۋ, رەسپۋبليكالىق, وڭىرلىك باعدارلامالاردى ىسكە اسىرۋعا جاستاردىڭ قاتىسۋ دەڭگەيىن ءوسىرۋ, ءبىر سوزبەن ايتقاندا, جاستاردىڭ دۇنيەتانىمىن كەڭەيتۋمەن قاتار سالاماتتى ءومىر سالتىن ناسيحاتتاۋدى ماقسات ەتكەن لاگەر جۇمىسىنا اقپارات جانە قوعامدىق دامۋ مينيسترلىگىنىڭ, وبلىستىق اكىمدىك وكىلدەرى, رەسپۋبليكالىق, وبلىستىق دەڭگەيدەگى ترەنەرلەر, قوعامدىق پىكىر كوشباسشىلارى, ءارتۇرلى دەڭگەيدەگى دەپۋتاتتار, بيزنەس, باق وكىلدەرى قاتىستى.
لاگەردىڭ سالتاناتتى اشىلۋىنان سوڭ جاستار «جاستار جانە كاسىپكەرلىك», «بيزنەسكە العاشقى قادام», «جاستارعا ارنالعان بيزنەس-يدەيالار» دەگەن تاقىرىپتار بويىنشا پىكىر الماستى.
ۇلىتاۋعا كەلىپ تۇرىپ, اۋليەتاۋعا كوتەرىلمەۋگە بولا ما؟ جاستار تاۋ بيىگىنە شىعىپ, اسەم تابيعاتتى بيىكتەن تاماشالاپ, كەشكىلىك الاۋ جانىندا باس قوستى. ادەمى اندەر شىرقالدى, كوڭىلدى «جايدارمان» ويىنى وينالدى.
لاگەردىڭ سوڭعى كۇنىندە جوشىحان كەشەنى مەن دومباۋىل كەسەنەسىنە ەكسكۋرسيا جاسالدى. سونداي-اق قاتىسۋشىلاردىڭ بارلىعىنا سەرتيفيكاتتار تاپسىرىلدى.
ۇلىتاۋ وبلىسى
