«Amanat» پارتياسى وڭىرلىك فيليالىنىڭ ۇيىمداستىرۋىمەن الاپات ورتتەن زارداپ شەگىپ وتىرعان سەمەي جۇرتىنا 35 تونناعا جۋىق گۋمانيتارلىق كومەك جىبەرىلدى. اتاپ ايتقاندا, ازىق-ت ۇلىك ونىمدەرى, اۋىز سۋ, جەكە گيگيەنالىق زاتتار جانە جانار-جاعارماي تالوندارىنا قاراجات جينالدى. «Amanat» پارتياسى پاۆلودار وبلىستىق فيليالىنىڭ توراعاسى يليا تەرەنچەنكو ايماق حالقى كورشىلەس ءوڭىر تۇرعىندارىنا قيىن كەزەڭدە قولۇشىن سوزۋدا بەلسەندىلىك تانىتقانىن ايتادى.
«باستاماعا جەرگىلىكتى قوعام بەلسەندىلەرى مەن ءىرى كاسىپورىن وكىلدەرى بەلسەندى اتسالىستى. ءبىر كۇننىڭ ىشىندە 15 ملن تەڭگەدەن استام قاراجات جينالدى. اباي وبلىسىنىڭ جۇرتشىلىعىنا ىڭعايلى بولسىن دەپ اتالعان ءوڭىر جەتكىزۋشىلەرىنەن 10 جانە 20 ليترلىك تالوندارمەن 10 توننا جانار-جاعارماي ساتىپ الدىق. سونداي-اق زارداپ شەككەن وتباسىلاردىڭ بالالارىنا جوعارى وقۋ ورىندارىنان, ياعني س.تورايعىروۆ ۋنيۆەرسيتەتىنەن 10 گرانت جانە ءا.مارعۇلان اتىنداعى پەداگوگيكالىق ۋنيۆەرسيتەتىنەن 5 گرانت سەرتيفيكاتى بەرىلەدى», دەيدى ي.تەرەنچەنكو.
قايىرىمدى ىستەن ايماعىمىزدىڭ جاستارى دا قالىسپادى. 30 ەرىكتىدەن قۇرالعان جوعارى وقۋ ورىندارىنىڭ ستۋدەنتتەرى قولۇشىن سوزۋعا سەمەي وڭىرىنە اتتانىپ كەتكەن. س.Tورايعىروۆ ۋنيۆەرسيتەتى جانىنان قۇرىلعان «جاقسىلىق جاسا» ەرىكتىلەر ۇيىمىنىڭ وكىلى حاريس ابدي ادامدارعا قولۇشىن سوزۋ – باستى ماقساتىمىز دەيدى. «اباي وبلىسىنا 3 كۇنگە بارامىز. ورتتەن زارداپ شەككەن اۋىل تۇرعىندارىنا قولدان كەلگەنشە كومەك كورسەتەمىز. ياعني ازىق-تۇلىك, ءبىرىنشى كەزەكتە قاجەتتى زاتتاردى تاراتامىز. ەل بولىپ كومەكتەسەتىنىمىزگە قۋانامىز», دەيدى ول.
پاۆلودار وبلىسى
