ونەر • 19 ماۋسىم, 2023

ادەمى اۋەندەر اۋەلەدى

593 رەت

كورسەتىلدى

1 مين

وقۋ ءۇشىن

احمەديا ەسمۇحانوۆ ءارى ءانشى, ءارى كومپوزيتور ەدى. اقىندىعى دا بار بولاتىن. وتكەن عاسىردىڭ 70-جىلدارىندا جەزقازعاندا قۇرىلعان «قاراكوز» ءانسامبلىنىڭ بەلدى مۇشەسىنىڭ ادەمى اندەرى حالىققا كەڭىنەن تانىلدى. ونىڭ ەسىمى «الاۋ گۇل», «تامشىلار», «ەسىل اعادى», ت.ب. كوپتەگەن ءانى ارقىلى ونەر تاريحىندا التىن ارىپپەن جازىلىپ قالدى.

ابدوللا داستان

الەمدى جاۋلاعان ىندەت احمەديا ەسمۇحانوۆتى دا ءىلىپ اكەتتى. بيىل ول 70 جاسقا تولاتىن ەدى...

جەزقازعان مادەنيەت جانە تىلدەردى دامىتۋ ءبولىمى ءانشى-كومپوزيتور احمەديا ەسمۇحانوۆتىڭ 48 ءانىنىڭ نوتاسى جانە ءماتىنى ەنگەن «تامشىلار» اتتى جيناقتى جاريالادى.

وسى كىتاپتىڭ تۇساۋكەسەرى جەزقازعان جۇرتشىلىعىنا ارنالعان ءان كەشىنە ۇلاستى.

كەشكە جان-جاقتان بەلگىلى انشىلەر كەلىپ, كومپوزيتوردىڭ اندەرىن شىرقادى, ەستەلىكتەرىمەن ءبولىستى.

مارقۇمنىڭ سوڭىندا ونەرى عانا ەمەس, ونەرلى ۇرپاقتارى قالىپتى. قىزى دينارا ەسمۇحانوۆا-يبراەۆانى, نەمەرەلەرى مەدينا احمەديا مەن ايزەرە باۋىرجاندى ساحنا تورىنەن كورگەن كوپشىلىك سۇيسىنە قول سوقتى.

كەش ونەردىڭ ومىرشەڭدىگىن, ماڭگىلىگىن كورسەتتى.

جەزقازعان