اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ت.ز. قوجاحمەتوۆا, گ.ك. ورازباەۆا, گ.ب. دالاباەۆا, ج.ا. سادىكوۆا, ز.ب. مالگاراەۆا تارتىلدى.
راتت مۇشەلەرىنىڭ قاتىسۋىمەن قوستاناي, ليساكوۆ, قارابالىق, مەڭدىقارا, رۋدنىي, دەنيسوۆ, قالالارى مەن اۋداندارىندا مەشىت جاماعاتىمەن, جۇمىسپەن قامتۋ ورتالىقتارى مەن ورتالىق بازارلاردا ءوزىن-ءوزى جۇمىسپەن قامتىعان جاس ايەلدەرمەن, ءبىلىم بەرۋ بولىمدەرىندە تاربيە ءىسى جونىندەگى ورىنباسارلار جانە ۇستاز ايەلدەرمەن ت.ب. سەمينارلار مەن كەزدەسۋلەر وتكىزىلدى.
وتكىزىلگەن ءىس-شارالاردا وبلىس تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپارات بەرىلدى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, ساۋالدارعا تۇجىرىمدى جاۋاپتار الىندى.
