ءمادينا ابىلقاسىموۆا قۇتتىقتاۋ سوزىندە بۇگىندە «نارحوز» ۋنيۆەرسيتەتى قازاقستانداعى جەتەكشى ەكونوميكالىق ۋنيۆەرسيتەت ەكەنىن اتاپ ءوتتى.
ۋنيۆەرسيتەتتىڭ وقۋ ساپاسى, ينكليۋزيۆتى ورتا, تۇلەكتەردىڭ جۇمىسقا ورنالاسۋى جانە مانساپ بويىنشا قول جەتكىزگەن ناتيجەلەردى QS World University Rankings الەمدىك رەيتينگ اگەنتتىگى جوعارى باعالادى.
ءمادينا ابىلقاسىموۆا اتاپ وتكەندەي, قازاقستاننىڭ قارجى سەكتورى − ەكونوميكاداعى يننوۆاتسيالاردىڭ درايۆەرى.
«قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى ەلىمىزدى اۋقىمدى ساياسي, الەۋمەتتىك-ەكونوميكالىق جاڭعىرتۋ جۇرگىزۋ قاجەتتىلىگى تۋرالى جاريالادى. بۇل ەكونوميكانى تۇرلەندىرۋگە, شاعىن جانە ورتا بيزنەستى دامىتۋعا, ادام كاپيتالىن دامىتۋعا جانە حالىقتىڭ كىرىستەرىن ارتتىرۋعا باعىتتالعان ەلەۋلى ينستيتۋتسيونالدىق جانە قۇرىلىمدىق رەفورمالاردى جۇرگىزۋدى تالاپ ەتەدى. قازاقستان دامۋىنىڭ ستراتەگيالىق ماقساتتارىنا قول جەتكىزۋ ءۇشىن ساپالى ادام كاپيتالى قاجەت. بۇكىل الەمدە اقىل مەن تالانت ءۇشىن باسەكەلەستىك ارتىپ كەلەدى», دەدى قارجى رەتتەۋشىسىنىڭ باسشىسى ءمادينا ابىلقاسىموۆا.
«نارحوز» ۋنيۆەرسيتەتى جاھاندىق ۇردىستەردى باسشىلىققا الا وتىرىپ, ەل ەكونوميكاسى مەن قارجى نارىعى ءۇشىن كادرلار دايارلاپ وتىر. 2020 جىلدان باستاپ ۋنيۆەرسيتەت قابىرعاسىندا «قولدانبالى قارجى» باعدارلاماسى اياسىندا مامانداردى دايارلاۋ بويىنشا ۇلتتىق بانكپەن بىرلەسىپ ازىرلەنگەن جوبا تابىستى جۇمىس ىستەپ جاتىر. باعدارلاما تۇلەكتەرى قارجى نارىعىندا جوعارى سۇرانىسقا يە. قازىرگى ۋاقىتتا اگەنتتىك قاتارىندا «نارحوزدىڭ» 170 تۇلەگى جۇمىس ىستەيدى, ولاردىڭ 56-سى باسشىلىق پوزيتسيادا.
كەزدەسۋدە ماگيستراتۋرانىڭ قارجى نارىعىنا قاتىسۋشىلار تاراپىنان قارجىلاندىرىلاتىن باعدارلاماسى بويىنشا قارجى سەكتورى ءۇشىن ماماندار دايارلاۋعا جاڭا گرانتتىق باعدارلاما ىسكە قوسىلاتىنى بەلگىلى بولدى.
اگەنتتىك, «نارحوز» ۋنيۆەرسيتەتى جانە ساقتاندىرۋ تولەمدەرىنە كەپىلدىك بەرۋ قورى اراسىندا «اكتۋاري» باعدارلاماسى بويىنشا كادرلار دايارلاۋ جونىندەگى ۇشجاقتى كەلىسىمگە قول قويدى.
