ولاردىڭ ىشىندە كولىك قۇرالدارى سالىعى بويىنشا سالىق مىندەتتەمەلەرىنەن جالتارعان اۆتوكولىك يەلەرىنىڭ ەڭ كوپ سانىن نازارلارىڭىزعا ۇسىنامىز:
الماتى وبلىسى – 57,7 مىڭ ادامنىڭ قارىزى 3,0 ملرد تەڭگە;
الماتى قالاسى – 53,6 مىڭ ادامنىڭ قارىزى 4,9 ملرد تەڭگە;
تۇركىستان وبلىسى – 53,6 مىڭ ادامنىڭ قارىزى 1,2 ملرد تەڭگە;
شىمكەنت قالاسى – 39,9 مىڭ ادامنىڭ قارىزى 1,5 ملرد تەڭگە;
استانا قالاسى – 37,0 مىڭ ادامنىڭ قارىزى 2,5 ملرد تەڭگە.
ەسكە سالا كەتەيىك, 2022 جىلعا جەكە تۇلعالاردىڭ كولىك قۇرالدارىنا سالىق تولەۋ مەرزىمى 2023 جىلعى 1 ساۋىردە اياقتالعان.
2023 جىلعى 19 مامىردان باستاپ سالىق سوماسىن ۋاقتىلى تولەمەگەن تۇلعالارعا 1 اەك-تەن جوعارى بەرەشەك سومالارى بويىنشا جەكە تۇلعانىڭ بەرەشەگىن ءوندىرىپ الۋ تۋرالى سالىق بۇيرىقتارىن جولداۋ باستالدى.
بەرەشەك تولەنبەگەن جاعدايدا سالىق بۇيرىعى تابىس ەتىلگەن كۇننەن كەيىن 5 جۇمىس كۇنى وتكەن سوڭ, جەكە سوت ورىنداۋشىلارىنىڭ وڭىرلىك پالاتاسىنا ماجبۇرلەپ ورىنداتۋعا جىبەرىلەدى. ءوز كەزەگىندە, جەكە سوت ورىنداۋشىلارى «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قازاقستان رەسپۋبليكاسىنىڭ زاڭىنا سايكەس بانك شوتتارى مەن مۇلكىنە تىيىم سالۋ تۇرىندە ماجبۇرلەپ ءوندىرىپ الۋ شارالارىن قولدانۋعا قۇقىلى. ونىڭ ىشىندە 40 اەك-تەن اساتىن قارىز بولسا, ازاماتقا ەل اۋماعىنان شىعۋعا تىيىم سالىنۋى ىقتيمال.
بۇدان باسقا, مەملەكەتتىك كىرىستەر ورگاندارى ۋاكىلەتتى ورگاندارمەن بىرلەسىپ (پوليتسيا دەپارتامەنتى مەن جەكە سوت ورىنداۋشىلارىنىڭ وڭىرلىك پالاتاسى) اعىمداعى جىلدىڭ باسىنان باستاپ كولىك قۇرالدارى سالىعى بويىنشا بەرەشەگى بار جەكە تۇلعالارعا قاتىستى كۇن سايىن رەيدتىك ءىس-شارالار وتكىزىپ جاتىر.
2023 جىلعى 5 ايدىڭ قورىتىندىسى بويىنشا 10 152 رەيد جۇرگىزىلىپ, 413 اۆتوكولىك قۇرالى ايىپپۇل تۇراعىنا قويىلدى. ناتيجەسىندە 963,7 ملن تەڭگە مەملەكەتتىك بيۋدجەتتىڭ قازىناسىنا ءتۇستى.
سونداي-اق قازاقستاننان شىعۋعا تىيىم سالۋ تۋرالى اقپاراتتى سىلتەمە ارقىلى بىلۋگە بولادى https://aisoip.adilet.gov.kz/debtors.
جازعى دەمالىستاردا جانە ەڭبەك دەمالىسى كەزەڭدەرىندە جاعىمسىز سالدارلاردى بولدىرماۋ ءۇشىن كوميتەت سالىق بەرەشەگى بولعان جاعدايدا ۋاقتىلى تولەم جۇرگىزۋدى ۇسىنادى. سالىق بويىنشا بەرەشەكتىڭ بار/جوق ەكەندىگى تۋرالى مالىمەتتەردى «e-Salyq Azamat» ءموبيلدى قوسىمشاسىندا: ەلەكتروندى سەرۆيستەر→سالىق جانە الەۋمەتتىك تولەمدەر بويىنشا بەرەشەك تۋرالى قىزمەتى→جسن-دى ەنگىزۋ ارقىلى قاداعالاۋعا بولادى.
«E-Salyq Azamat» ءموبيلدى قوسىمشاسىن https://play.google.com/store/apps/details?id=kz.gov.kgd.android نەمەسە https://apps.apple.com/kz/app/e-salyq-azamat/id1107556666 سىلتەمەلەرى ارقىلى ورناتۋعا بولادى.
