اباي وبلىسىندا ءورتتى سوندىرۋگە 60-تان استام تجم اۆياتورى جۇمىلدىرىلعان, ولاردىڭ ىشىندە ۇشۋ قىزمەتىنىڭ تاجىريبەلى ماماندارىنىڭ 11 ەكيپاجى, اۋە كەمەلەرىندە تەحنيكالىق قىزمەت كورسەتۋ جانە ورىنداۋ جونىندەگى ينجەنەرلىك-اۆياتسيالىق قىزمەتتەردىڭ 33 قىزمەتكەرى, ماتەريالدىق-تەحنيكالىق جاراقتاندىرۋ جانە جابدىقتاۋ ماماندارى, وڭىرلىك بولىمشەلەردىڭ ديرەكتورلارى بار.
توتەنشە جاعدايلار مينيسترلىگىنىڭ مالىمەتىنە سايكەس, اۆياتورلاردىڭ جۇمىسى جەرگىلىكتى ۋاقىت بويىنشا تاڭعى ساعات 04:00-دە باستالىپ, 23:00-گە دەيىن جالعاسادى, كەيدە ودان كەش اياقتالادى. تجم اۆياتورلارى قاۋىپسىز ۇشۋدى عانا ەمەس, سونىمەن قاتار اۆياتەحنيكانى پايدالانا وتىرىپ ءورتتى ءسوندىرۋ بويىنشا كۇردەلى ماقساتقا قول جەتكىزۋدى قامتاماسىز ەتۋگە تىكەلەي جاۋاپتى.
ءورت باستالعالى بەرى بارلىعى 2 100-گە جۋىق رەت كولەمى 6 000 توننادان استام سۋ توگىلگەن.
