ءماجىلىس دەپۋتاتى ايداربەك قوجانازاروۆ ماسەلەگە قاتىستى بىرقاتار ۇسىنىس ءبىلدىردى.
1) تسيفرلىق قۇرالداردى پايدالانا وتىرىپ, سۋ رەسۋرستارىنىڭ بىرىڭعاي ەسەبىن ىسكە قوسۋ. بۇل تۋرالى كوپ ايتىلادى, بىراق ىلگەرىلەۋ تىم باياۋ.
2) سۋ رەسۋرستارىنا جاۋاپكەرشىلىكتى ءبىر عانا مەملەكەتتىك ورگانعا جۇكتەۋ. سۋ دەرەكتەرىنە يەلىك ەتەتىن, سۋ رەسۋرستارىن باسقاراتىن جانە كەم دەگەندە 30-50 جىلعا قاراي ءتيىمدى پايدالانۋ ساياساتىن جۇزەگە اسىراتىن اگەنتتىك قۇرۋ قاجەت.
3) اۆستراليا تاجىريبەسىنە سۇيەنە وتىرىپ, سۋ پايدالانۋشىلاردى سۋدى ۇنەمدى پايدالانۋعا ىنتالاندىراتىن ادىستەردى قولدانۋدى ۇسىنامىز.
4) گيدروتەحنيكالىق قۇرىلىستاردىڭ جوبالىق-سمەتالىق قۇجاتتاماسىنىڭ ەكونوميكالىق تيىمدىلىگى مەن قۇرىلىس قۇنىن ەسەپتەۋدىڭ دۇرىستىعىن تەكسەرۋ ماڭىزدى.
بۇدان بولەك, ۇكىمەتتەن يرريگاتسيالىق جەلىلەردى دامىتۋ بويىنشا تولىق مالىمەتتەر جيىنتىعىن بەرۋدى سۇرايمىز.
سونداي-اق ۇلتتىق قور قاراجاتىنىڭ جەدەل مىندەتتەرگە جۇمسالۋىن بولدىرماۋ جانە قاراجاتتى قازاقستاننىڭ سۋ قاۋىپسىزدىگى ماسەلەلەرىن شەشۋگە باعىتتاۋ مۇمكىندىگىن قاراستىرۋدى ۇسىنامىز.
