ماسەلەن, ماحامبەت اۋدانىنداعى العا اۋىلىندا مەكتەپ وقۋشىلارىنان قۇرالعان «القيسسا» ءانسامبلى بار. بۇل ءانسامبلدىڭ جاس دومبىراشىلارى «بالدىرعان» جانە «اقجەلەڭ» توپتارىنا بولىنگەن. جاقىندا ەكى توپتىڭ بالعىن ونەرپازدارى اتالعان بايقاۋدىڭ باس جۇلدەسىن يەلەندى. ال جەكە ورىنداۋدا ارۋنا نىسانباي د.نۇرپەيىسوۆانىڭ «ناۋىسقى», المات وتەۋ ءا.جەلدىباەۆتىڭ «ەركە سىلقىم», ورىنباي تۇگەل ا.ەڭسەپوۆتىڭ «شاشۋ», ماديار جانعابىل ماحامبەتتىڭ «جۇمىر قىلىش» كۇيىن ورىنداپ, ءبىرىنشى ورىندى يەلەندى.
– «القيسسا» بالالاردىڭ حالىقارالىق بايقاۋىندا العاش رەت ونەر كورسەتتى. بۇرىن ەلىمىزدە وتكەن ءتۇرلى كونكۋرستان بىرنەشە رەت جۇلدە العان ەدى, – دەيدى ۇيىرمە جەتەكشىسى الماگۇل ەرمەكوۆا.
ونىڭ ايتۋىنشا, «القيسسا» دومبىراشىلار ۇيىرمەسى ءۇش جىل بۇرىن اشىلعان. قازىر ۇيىرمەگە 8-15 جاس ارالىعىنداعى 65 بالا قاتىسىپ ءجۇر.
ءدال وسى بايقاۋعا ماقات اۋدانىنداعى ر.عابديەۆ اتىنداعى ونەر مەكتەبىنىڭ «گاۋھارتاس» جانە «ايحانشا» بي توپتارى دا قاتىسىپ, باس جۇلدەگە يە بولدى. بي توپتارىنىڭ جەتەكشىسى نۇرگۇل ەركىنقىزىنىڭ ايتۋىنشا, كىشكەنتاي بيشىلەر «مولداۆيا قىزدارى» جانە «بالداۋرەن» ءبيىن ورىنداعان.
اتىراۋ وبلىسى
