7 ماۋسىمدا باستالعان چەللەندج 20 ماۋسىمعا دەيىن جالعاسادى. وعان بارلىق نيەت بىلدىرۋشىلەر قاتىسا الادى.
ەكوچەللەندج شارتتارى بويىنشا قاتىسۋشىلار تومەندە كورسەتىلگەن تاپسىرمالاردى ورىنداۋى كەرەك.
- ءبىرىنشى تاپسىرما: قىزىقتى پوست جاريالاڭىز
ەكوچەللەندجگە قاتىسۋعا نە سەبەپ بولدى, ەكوۆولونتەرلىك باعىتتارىنىڭ قايسىسى سىزگە جاقىن؟ ەلىمىزدە وسى باعىتتى دامىتۋدىڭ وزەكتىلىگى جايلى ايتىپ بەرسەڭىز.
- ەكىنشى تاپسىرما: قوقىستى سۇرىپتاۋدى باستاڭىز
قوقىستى سۇرىپتاۋ جانە قايتا وڭدەۋ پروتسەسى تۋرالى بەينەروليك ءتۇسىرىڭىز.
- ءۇشىنىشى تاپسىرما: پلوگگينگ/سەنبىلىككە قاتىسىڭىز
دوستارىڭىزبەن پلوگگينگ نەمەسە سەنبىلىك ۇيىمداستىرىڭىز, ياكي باسقا دا ۆولونتەرلەرمەن ۇيىمداستىرىلعان شارالارعا قاتىسىڭىز.
- ءتورتىنشى تاپسىرما: ەكوسومكە قولدانۋدى باستاڭىز
شوپپەر قولدانۋ ارقىلى قانشا پلاستيكالىق پاكەت قولدانۋدان باس تارتقانىڭىز جايلى, شوپپەردى قايدا قولداناتىنىڭىز جايلى بەينەجازبادا ايتىپ بەرىڭىز. مۇمكىن ءسىز پلاستيك پاكەتتەردى الماستىرا الاتىن ارنايى لايفحاك ويلاپ تاپقان شىعارسىز؟ ءبىز ءسىزدىڭ كرەاتيۆتى ويلارىڭىزدى كۇتەمىز.
ايتا كەتسەك, چەللەندج جەڭىمپازدارى باعالى سىيلىقتارمەن ماراپاتتالادى.
