اباي وبلىسىنىڭ پوليتسيا قىزمەتكەرلەرى ورتەنگەن ايماقتان 50 شاقىرىم جەردە 10 ماۋسىم كۇنى جوعالىپ كەتكەن بەسقاراعاي اۋدانى دولون اۋىلىنىڭ تۇرعىنى ارحيپوۆ سەرگەي نيكولاەۆيچتىڭ ءمايىتىن تاپتى.
«ەر ادامنىڭ ءمايىتى قىزمەتتىك ءيتتىڭ كومەگىمەن تابىلدى. اتالعان فاكتى بويىنشا سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى», دەلىنگەن حابارلامادا.
قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىنە سايكەس سوتقا دەيىنگى تەرگەپ-تەكسەرۋ بارىسى جاريا ەتۋگە جاتپايدى.
