«قاتەلىك كوپ. شۇعىل ارەكەتتىڭ جەتىسپەۋى, ماسەلەدەن سىرت قالۋىڭىز وسى اپاتقا اكەلدى. ءوزىڭىز دە وقيعا ورنىنا كەش جەتكەنىڭىزدى ماعان باياندادىڭىز. سوندىقتان جەرگىلىكتى اتقارۋشى ورگاننىڭ جۇمىسىنا كوڭىلىم تولمايدى. تۇسىنەمىن, وبلىس ەندى قۇرىلدى, ءسىز – جاڭا اكىمسىز. وسى سەبەپتى عانا سىزگە سوگىس جاريالايمىن. نەگىزى, مۇنداي قاتەلىك ءۇشىن بىردەن قىزمەتتەن بوساتۋ كەرەك», دەدى مەملەكەت باسشىسى.
بۇل رەتتە ەل پرەزيدەنتى زارداپ شەككەن ادامدارعا ناقتى كومەك كورسەتىلۋى ءتيىس ەكەنىن قاداپ ايتتى.
«ون ءتورت ادامنان ايىرىلىپ قالدىق. بۇل نە سىزگە, ويىنشىق پا؟ ولار قىزمەتتىك بورىشىن اتقارا ءجۇرىپ قازا تاپتى. قازىر ءسىزدىڭ مىندەتىڭىز – ۇكىمەتپەن بىرگە مەنىڭ ازاماتتارعا بەرگەن بارلىق ۋادەمنىڭ ورىندالۋىن قاداعالاۋ. ءسوز بەن ءىس قابىسۋ كەرەك. ءيا, مەن كوڭىل ايتتىم. بىراق ادامدارعا ناقتى كومەك كورسەتىلۋگە ءتيىس», دەدى پرەزيدەنت.
