شۇعىل جيىن ءبىر مينۋتتىق ۇنسىزدىكپەن باستالدى.
«ەلىمىزدە تاعى دا الاپات ءورت بولىپ جاتىر. وكىنىشكە قاراي, ءتىلسىز جاۋمەن كۇرەس كەزىندە ازاماتتارىمىز قايتىس بولدى. 14 ادام قىزمەتتىك مىندەتىن اتقارىپ ءجۇرىپ ەرلىكپەن قازا تاپتى. مەن جاڭا عانا بۇل ادامداردىڭ تۋىسقاندارىمەن كەزدەستىم. وتە اۋىر اڭگىمە بولدى. جۇرت جىلاپ وتىر. ۇكىمەتكە نارازىلىعىن ايتىپ جاتىر. مارقۇمداردىڭ وتباسىلارىنا جانە جاقىندارىنا قايعىرا كوڭىل ايتامىن. قايتىس بولعان ازاماتتاردى ءبىر مينۋتتىق ۇنسىزدىكپەن ەسكە الايىق», دەدى مەملەكەت باسشىسى.
