«اباي وبلىسىنداعى الاپات ءورتتىڭ سالدارى ءبارىمىزدىڭ قابىرعامىزدى قايىستىرىپ كەتتى. قازا تاپقان ورمانشىلاردىڭ وتباسى مەن جاقىندارىنا قايعىلارىنا ورتاقتاسىپ, كوڭىل ايتامىز.
بۇعان دەيىن مەملەكەت باسشىسى قاسىم-جومارت كەمەل ۇلى توقاەۆ ءورتتى ءسوندىرۋ جانە اپات اۋقىمىنىڭ كەڭەيۋىنە جول بەرمەۋ ءۇشىن ءتيىستى ورگاندارعا تاپسىرما بەردى. بۇگىن پرەزيدەنتىمىز اباي وبلىسىنا ارنايى بارىپ, وسى باعىتتاعى جۇمىستارمەن تانىستى جانە قازا تاپقان ورمان شارۋاشىلىعى قىزمەتكەرلەرىنىڭ وتباسى مۇشەلەرىمەن كەزدەستى», دەپ جازدى سەنات توراعاسى.
سونىمەن قاتار ماۋلەن اشىمباەۆ جاعدايدىڭ تۇراقتالىپ كەلە جاتقانىن تىلگە تيەك ەتتى. كوپ ۇزاماي اپات تولىعىمەن اۋىزدىقتالىپ, سالدارى جويىلاتىندىعىنا سەنىم ءبىلدىردى.
سونداي-اق ءتىلسىز جاۋمەن كۇرەسىپ جانكەشتىلىك تانىتىپ جۇرگەن ءورت سوندىرۋشىلەرگە جانە بەلسەندى ازاماتتارعا العىسىن ءبىلدىردى.
«ەندى ەشقاشان مۇنداي توتەنشە وقيعا قايتالانباسىن», دەپ جازباسىن اياقتادى ماۋلەن اشىمباەۆ.
