«جاڭا عانا تىكۇشاقپەن اۋەدەن جاعدايدى تاعى باقىلاپ كەلدىك. بۇعان دەيىن ايتقانىمداي, ءورتتى اۋىزدىقتاۋعا جەل كەرى اسەرىن تيگىزىپ جاتىر. سول سياقتى ورماننىڭ ىشىنە تەحنيكامەن كىرۋ قيىندىق تۋعىزىپ تۇر. جالپى جاعداي تۇراقتى ءارى باقىلاۋدا», دەدى نۇربولات دەربىسوۆ.
سونىمەن قاتار تەلەجۇرگىزۋشى ورتتەن قايتىس بولعانداردىڭ تاعدىرىنا قاتىستى سۇراق قويدى.
«سۇراعىڭىز ورىندى. بارىمىزگە دە وڭاي بولىپ تۇرعان جوق. ءورت باستالعاننان كەيىن ورمان قىزمەتكەرلەرى بايلانىسقا شىقپاي قالدى. ولار قولدانعان تەحنيكا قالدىقتارىنىڭ ورنى تابىلدى. قازىر پوليتسيا قىزمەتكەرلەرى ولاردىڭ جەكە باسىن انىقتاۋ بويىنشا جۇمىس جۇرگىزىپ جاتىر. قايتىس بولعاندار تۋرالى اقپاراتتى قۇزىرلى ورگاندار بەرەدى دەپ ويلايمىز. ءبىزدىڭ قازىرگى مىندەت – ءورتتى اۋىزدىقتاپ, ونىڭ جاقىن ماڭداعى ەلدى مەكەندەرگە جايىلۋىنا جول بەرمەۋ», دەدى ن.دەربىسوۆ.
