انكارا پروۆينتسياسىنىڭ ەلماداعى اۋدانىندا ورنالاسقان زىمىران تەحنيكاسى مەن جارىلعىش زات شىعاراتىن MKE («ماشينا جانە حيميا ونەركاسىبى») زاۋىتىندا جارىلىس بولعان. وقىس وقيعادان بەس قىزمەتكەر كوز جۇمدى. بۇل تۋرالى بۇگىن تۇركيانىڭ ۇلتتىق قورعانىس مينيسترلىگى حابارلادى.
ۆەدومستۆو 10 ماۋسىم كۇنى تاڭەرتەڭ بولعان قايعىلى وقيعاعا بايلانىستى اكىمشىلىك تەرگەۋ باستالعانىن اتاپ ءوتتى. جاعدايدى قۇقىق قورعاۋ ورگاندارى زەرتتەپ جاتىر.
زاۋىت قىزمەتكەرلەرىنىڭ جاقىندارى كاسىپورىننىڭ الدىنا جينالىپ, قانداي دا ءبىر حابار كۇتىپ تۇر.
زارداپ شەككەن ءبىراز جۇمىسشى جەدەل جاردەم كولىگىمەن توڭىرەكتەگى اۋرۋحانالارعا جەتكىزىلگەن. كەيبىرىنىڭ جاعدايى اۋىر ەكەنى حابارلاندى.
