مارال يشاننىڭ قىلىشى

قىلىشتى كەزىندە مارال بابا­نىڭ توسىنعا ۇزاتىلعان قىزى ايكۇمىس ءوزىنىڭ جاساۋ-وتاۋىمەن بىرگە الا كەتكەن كو­رىنە­دى. الاساپىران ءبىر زامانداردا ايكۇمىس انامىز, كيەلى قىلىش جات قولىندا كەت­پەسىن دەسە كەرەك, اكەسىنەن قالعان قارۋدى شومنىڭ اراسىنا جاسىرعان. ونى كەيىن مال­شىنىڭ ايەلى تاۋىپ الىپ, قي ۋاتقان. سول ايەل ەكى-اق كۇن اۋى­رىپ, قايتىس بولعان دەسە­دى. كەيىن ونى ايكۇمىستىڭ نە­مە­رەسى سماعامبەتتەن ەل ىشىندە «حال­­­فە كەمپىر» اتانىپ كەتكەن كەن­جەبيكە ەمشى سۇ­راپ الا­دى. قۇندى جادىگەر كۇنى بۇ­گىن­­گە دەيىن كەنجەبيكە كە­لىنى راي­­كەنىڭ قو­لىندا ساق­تالىپ كەل­گەن.

تاياۋدا عانا كونە قىلىش پەن ما­رال بابا­نىڭ نەمەرەسى ۇن­دەمەس يشاننىڭ شاپانىن اق­مەشىتكە تاپسىرعان سەكسەن بەس جاستاعى رايكە اجەي: «اللا­نىڭ اما­ناتىن تاپسى­راتىن ۋاقىت جا­قىنداپ كەلەدى. كەزىندە سوناۋ قىزىل­وردادان سۇراپ كەلگەن مارال بابا ۇر­پاقتارىنا دا, سول كەزدەگى وب­لىس يمامى ەر­­تاي قاجىعا دا بەرمەي كەلىپ ەدىم. ەندى كو­زىمنىڭ تىرىسىندە وسى كيە­لى جادىگەردى بابا مە­شىتىنە, بەكتۇرسىن بالاما تابىس­تاعالى وتىرمىن», دەيدى.

ءحىح عاسىردا سالىنعان ما­رال يشان مەشىتى وتكەن جىل­­دىڭ اياعىندا كۇردەلى جون­دەۋدەن ءوتىپ, قايتادان ەل يگى­لىگىنە بەرىل­گەن. ونىنشى ماۋسىمعا جوس­پار­لان­عان مە­شىت­تىڭ 130 جىلدىعىنا ارنال­­عان ءىس-شارالار اياسىندا قۇ­ران جا­رىسى, اقىندار ءمۇشاي­راسى, ۆەلو­مارافون ۇيىم­داس­­تىرى­لىپ, رەسپۋبليكالىق كون­فەرەنتسيا وتەدى.

قوستاناي