وقىس وقيعا 1 ماۋسىم كۇنى بولعان. قولقانات ەلەك وزەنىنە باتىپ بارا جاتقان بالانى قۇتقارىپ, العاشقى مەديتسينالىق كومەك كورسەتىپ, امان الىپ قالدى. مينيستر باتىر وقۋشى مەن ونى تاربيەلەگەن اتا-اناسىنا العىس ءبىلدىردى.
– ادامدى اجالدان قۇتقارۋ – ۇلكەن ەرلىك. مەكتەپ وقۋشىلارىنىڭ اراسىندا وزگەلەرگە ۇلگى بولارلىق وجەت, ەرجۇرەك, باتىل بالالاردىڭ بارىن ماقتان ەتەمىز. وسىنداي ازاماتتاردى تاربيەلەگەنى ءۇشىن اتا-انالارى مەن مۇعالىمدەرىنە العىس ايتامىن, – دەدى ع.بەيسەمباەۆ.
قولقاناتتىڭ اتا-اناسى دا بالاسىنىڭ ەرلىگىن ەسكەرۋسىز قالدىرماعان مينيسترگە ريزاشىلىعىن ءبىلدىردى.
– بالالارىمىزدىڭ قايىرىمدى, قامقور, پاتريوت بولىپ وسۋىنە كۇش سالدىق. رۋحى بيىك ۇرپاق تاربيەلەۋگە تىرىستىق, ۇلىمىزدىڭ بۇل ارەكەتىن ماقتان تۇتامىز, – دەدى وقۋشىنىڭ اكەسى ەربولات رزيەۆ.
پەداگوگتەردىڭ ايتۋىنشا, قولقانات – مەكتەپتەگى ۇزدىك وقۋشىلاردىڭ ءبىرى. «قازاقستان تاريحى» ءپانى مەن شەت تىلدەرىنە قىزىعۋشىلىعى باسىم. سونىمەن قاتار مەكتەپتىڭ ۆولەيبول كومانداسىنىڭ قۇرامىندا وينايدى.
ەسكە سالا كەتەيىك, بيىل ءساۋىر ايىندا وقۋ-اعارتۋ ءمينيسترى اتىراۋ, قاراعاندى, قىزىلوردا, سولتۇستىك قازاقستان جانە تۇركىستان وبلىستارىنان كەلگەن 11 وقۋشىنى ەرلىگى ءۇشىن ماراپاتتاپ, اتا-انالارىنا العىس بىلدىرگەن بولاتىن. مۇنداي ءىس-شارا ءداستۇرلى تۇردە جالعاسادى.
كۇننۇر بولاتبەك,
ل.ن.گۋميلەۆ اتىنداعى
ەۇۋ ستۋدەنتى
