نەگىزگى مىندەتىن مۇلتىكسىز اتقاراتىن ازاماتتىڭ تاعى ءبىر ەرەكشە قىرى بار ەكەن. بۇل – ونىڭ پوەزياعا دەگەن ىقىلاسى. ارىپتەستەرى, ونىڭ مۇنىسىنا ءار كەز سۇيسىنە قارايدى.
– مەن اقىنداردىڭ ولەڭدەرىن جاتتاپ, ناقىشىنا كەلتىرىپ وقىعاندى ۇناتامىن. اسىرەسە ماحامبەت وتەمىس ۇلىنىڭ ولەڭدەرىن وقىعاندا, ءبىر قولىمدا نايزا ۇستاپ, جاۋعا اتتانداپ بارا جاتقانداي كۇيگە تۇسەمىن, – دەيدى ۇركەر.
ول جامبىل وبلىسى سارىسۋ اۋدانىنىڭ تۋماسى. اكەسى ىشكى ىستەر ورگانىنىڭ ارداگەرى كورىنەدى. ال ءوزى بىلتىردان بەرى وسى سالادا قىزمەتتە ەكەن.
جاس كەزىنەن قازاقتىڭ جىر-داستان, قيسسالارىن جاتتاپ وسكەن ۇركەر 2013 جىلى اتىراۋدا وتكەن ماحامبەت وتەمىس ۇلى وقۋلارىندا ءۇشىنشى ورىن يەلەنگەن. كەيىن مۇنداي بايقاۋلارعا قاتىسا قويماپتى. بالكىم, الداعى ۋاقىتتا ۇركەردى سونداي بايقاۋلاردىڭ دودالارىنان كورىپ تە قالارمىز. قالاي بولعاندا دا, پوليتسيا قىزمەتكەرلەرىنىڭ اراسىندا وسىنداي ازاماتتىڭ جۇرگەنىنىڭ ءوزى كەرەمەت ەمەس پە!
