كەزدەسۋ بارىسىندا كومپانيانىڭ قازاقستانداعى قىزمەتىنىڭ نەگىزگى باعىتتارى, سونداي-اق فارماتسەۆتيكا سالاسىنداعى بىرلەسكەن جوبالاردى جۇزەگە اسىرۋ ماسەلەلەرى تالقىلاندى.
پرەزيدەنتكە شىمكەنت قالاسىندا جۇرگىزىلىپ جاتقان ءىرى عىلىمي-زەرتتەۋ ورتالىعى مەن زەرتحانا قۇرىلىسىنىڭ بارىسى جونىندە مالىمەت بەرىلدى. ورتالىقتا وزىق الەمدىك تالاپتارعا ساي كەلەتىن تولىق وندىرىستىك تسيكل ىسكە قوسىلادى.
قاسىم-جومارت توقاەۆ كومپانيا باسشىلىعىنىڭ قازاقستانداعى فارماتسەۆتيكا ونەركاسىبىن دامىتۋ قىزمەتىنە جوعارى باعا بەردى. سونىمەن قاتار پرەزيدەنت وتاندىق دەنساۋلىق ساقتاۋ سالاسىنىڭ ودان ءارى دامۋىن قامتاماسىز ەتۋ ءۇشىن جوعارى وندىرىستىك ستاندارتتاردى ساقتاۋ ماڭىزدى ەكەنىن اتاپ ءوتتى.
