«تسيفرلاندىرۋ تۇتاس ەلدەر مەن وڭىرلەردىڭ باسەكەگە قابىلەتتىلىگىن انىقتاۋشى فاكتورعا اينالدى. 2025 جىلعا قاراي الەمدەگى تسيفرلىق نارىق 50 پايىزعا ارتىپ, 6,8 تريلليون دوللارعا جەتەدى دەپ بولجانىپ وتىر. بولجام بويىنشا 10 جىلدا الەمدەگى تاۋار ءوندىرىسى مەن كورسەتىلەتىن قىزمەتتەردىڭ 70 پايىزىندا تسيفرلىق تەحنولوگيالار قولدانىلادى», دەدى پرەزيدەنت.
قاسىم-جومارت توقاەۆتىڭ ايتۋىنشا, تسيفرلاندىرۋ قازاقستان ءۇشىن ۇلتتىق ماڭىزى بار ماسەلەگە اينالدى.
«بۇل ءۇردىستىڭ قازاقستان ءۇشىن اسا ماڭىزدى ەكەنىن انىق تۇسىنەمىز. باسقاشا ايتقاندا, تسيفرلاندىرۋ ءبىز ءۇشىن ۇلتتىق ماڭىزى بار ماسەلەگە اينالدى. ءبىز ەۋرازياداعى ەڭ ءىرى ءارى وزىق تسيفرلىق حابتاردىڭ ءبىرى بولۋدى كوزدەپ وتىرمىز. تاياۋدا الەمدەگى 62 ەل ورتالىق ازيانىڭ ورنىقتى دامۋى ءۇشىن قازاقستاندا بىرىككەن ۇلتتار ۇيىمىنىڭ تسيفرلىق شەشىمدەر ورتالىعىن قۇرۋ تۋرالى باستاماسىن ءبىراۋىزدان قولدادى. مۇنى بىزگە ارتىلعان زور سەنىم جانە قازاقستاننىڭ الەمدىك ارەناعا شىعۋداعى ماڭىزدى كەزەڭى رەتىندە قابىلدادىق. اتالعان ورتالىق مەملەكەتتەر اراسىندا «تسيفرلىق توسقاۋىلداردىڭ» پايدا بولۋىنىڭ الدىن الۋعا باعىتتالعان جاھاندىق, وڭىرلىك جانە ۇلتتىق مۇددەنى جۇمىلدىرۋعا ارنالعان», دەپ قوستى مەملەكەت باسشىسى.
