ءىس-شارا «Maqsut Narikbaev University»دە بۇۇ بجقب وكىلدەرىمەن بىرلەسىپ ۇيىمداستىرىلدى. ادەبيەت بۇرىشىندا قازىرگى جاھاندىق جاعدايداعى قاقتىعىستار, ادام قۇقىقتارىنىڭ بۇزىلۋى جانە تابيعي اپات سالدارىنان ميلليونداعان ادام تۋعان جەرلەرىن تاستاپ كەتۋگە ءماجبۇر بولىپ جاتقاندا, قوعامنىڭ مۇنداي كۇردەلى ماسەلەلەردەن حاباردار بولۋىنا باسىمدىق بەرىلگەن.
بۇۇ بجقب ازيا جانە تىنىق مۇحيتى بويىنشا ايماقتىق كەڭسەسىنىڭ ديرەكتورى يندريكا راتۆاتتە قازاقستان ۇكىمەتى مەن بوسقىندار ءىسى جونىندەگى جوعارعى كوميسسار باسقارماسى اراسىنداعى ىنتىماقتاستىق سەنىمدى ءارى بەرىك ەكەنىن ايتتى. سونداي-اق بۇل ىنتىماقتاستىق جىلدان-جىلعا نىعايىپ, بوسقىندار مەن ازاماتتىعى جوق ادامداردى جان-جاقتى قورعاۋ مەن قولداۋدا شەشۋشى ءرول اتقاراتىنىن اتاپ ءوتتى.
– مەنىڭ وسى ءىس-شارادا بولۋىما بىرنەشە ماڭىزدى سەبەپتەر اسەر ەتتى. بىرىنشىدەن, ءبىز قازاقستان ۇكىمەتى مەن بوسقىندار ءىسى جونىندەگى جوعارعى كوميسسار باسقارماسى اراسىنداعى سەنىمدى جانە بەرىك ىنتىماقتاستىقتىڭ كۋاسى بولىپ وتىرمىز. ەكىنشىدەن, بۇۇ بجقب جۇمىسى گۋمانيتارلىق ماسەلەلەردى شەشۋدەن بوسقىندارعا كومەك كورسەتىپ, جاھاندىق دەڭگەيدە ازاماتتىق الماۋ ماسەلەسىن شەشۋگە اۋىسۋدا. وسى تۇرعىدا مەن قازاقستان ۇكىمەتىنىڭ بوسقىندارعا كومەك كورسەتۋ جانە ايماقتىق دەڭگەيدە ازاماتتىعى جوقتىق ماسەلەلەرىن شەشۋ ماسەلەلەرىنە ەرەكشە نازار اۋداراتىن پروگرەسسيۆتى كوزقاراسىن ەرەكشە باعالايمىن. ءۇشىنشى سەبەپ – ازاماتتىق قوعاممەن, عىلىمي جانە اكادەميالىق ورتامەن سەرىكتەستىك. ءبىز مۇندا قازاقستاننىڭ جانە ودان تىسقارى ەلدەردىڭ عىلىمي قاۋىمداستىعىمەن نىعايىپ كەلە جاتقان بايلانىستى كورىپ وتىرمىز. بۇل سەرىكتەستىك ازاماتتىعى جوقتىق ماسەلەسىنە كومەكتەسۋ مەن شەشۋدە, سونداي-اق بوسقىنداردى قولداۋدا جانە ادام قۇقىقتارىن قورعاۋدا جوعارى ءرول اتقارادى, – دەدى يندريكا راتۆاتتە.
بۇعان قوسا ول بۇۇ بجقب-نىڭ قازاقستانداعى وكىلى قىزمەتىن اتقاراتىن حانس شوددەر مىرزاعا, سونداي-اق بۇۇ بجقب باستاماسىن قولداعانى ءۇشىن ۋنيۆەرسيتەت ۇجىمىنا العىسىن ءبىلدىردى.
