«Digital Crime Lab» (DCL) – دالەلدەمەلەردى تالداۋعا ارنالعان زاماناۋي تسيفرلىق كريميناليستيكالىق زەرتحانا. ول تسيفرلىق ىزدەردى پايدالانۋ ارقىلى قىلمىستاردى تەرگەپ-تەكسەرۋگە ارنالعان. زەرتحانا كريميناليستەرى ەكى باعىتتا جۇمىس ىستەيتىن بولادى, اتاپ ايتقاندا, ولار – كومپيۋتەرلىك-تەحنيكالىق زەرتتەۋلەردى جۇرگىزۋ جانە ادامداردى سايكەستەندىرۋ جۇيەسى.
كومپيۋتەرلىك-تەحنيكالىق زەرتتەۋلەردىڭ ماقساتى – كومپيۋتەرلىك قۇرالداردى, اقپاراتتى ەلەكتروندىق تاسىمالداعىشتاردى, باعدارلامالىق قامتىلىمدى, بايلانىس قۇرالدارىن جانە ارنايى قۇرىلعىلاردى (موبيلدىك تەلەفونداردى, پلانشەتتەردى, ورگانايزەرلەردى جانە ت.ب.), اقپاراتتى اۆتوماتتىق وڭدەۋ قۇرىلعىلارىن (سەرۆەرلەردى) جانە تەلەكوممۋنيكاتسيالىق قۇرال-جابدىقتى زەرتتەۋ ارقىلى دەرەكتەردى الۋ.
ونىڭ زەرتتەۋ نىساندارى – دەربەس كومپيۋتەرلەر, ولارعا جانە لوكالدىق جەلىلەرگە ارنالعان ءارتۇرلى وپەراتسيالىق جۇيەلەر, ءارتۇرلى قولدانبالى باعدارلامالىق ونىمدەر (جالپى ماقساتتاعى قوسىمشالار: ماتىندىك جانە گرافيكالىق رەداكتورلار, دەرەكقورلاردى باسقارۋ جۇيەلەرى, ەلەكتروندىق كەستەلەر جانە ت.ب.), ونىڭ ىشىندە ويىن قوسىمشالارى, مۋلتيمەديا فورماتتارداعى دەرەكتەر.
وسىلايشا, كريميناليستيكالىق تسيفرلىق زەرتحانا قىسقا مەرزىمدە كۇدىكتى ادامداردى انىقتاۋعا, قۇقىققا قايشى ارەكەت جاساعان ادامداردى تابۋعا, قۇقىق بۇزۋشىلىقتاردى تەرگەپ-تەكسەرۋ كەزىندە دالەلدەمەلىك بازانى بەكىتۋگە مۇمكىندىك بەرمەك.
بۇل ءىس-شارالار جاسالعان قۇقىق بۇزۋشىلىق ءۇشىن جازادان بۇلتارتپايدى جانە قۇقىققا قايشى ارەكەتتەردىڭ الدىن الۋدىڭ ۇزدىك ءتاسىلى بولىپ سانالادى. پوليتسيا قىزمەتكەرلەرىنىڭ ايتۋىنشا, ول ەل ازاماتتاردىڭ قاۋىپسىزدىگىن ارتتىرىپ, حالىقتىڭ پوليتسياعا دەگەن سەنىم دەڭگەيىن كوتەرەدى.
باعدارلامالىق-اپپاراتتىق كەشەندەر مەن باعدارلامالىق قامتىلىمداردىڭ كومەگىمەن اقپاراتتى قالپىنا كەلتىرۋگە بولادى. ەگەر ساپالى فوتو, بەينەماتەريالدار ۇسىنىلسا, قۇقىق بۇزۋشىلىق جاساعان ادامداردى تەز انىقتاۋعا بولادى.
