تەڭىزدىڭ بۇل توسىن مىنەزى اقتاۋ قالاسىنداعى جۇرتشىلىقتىڭ نازارىن اۋداردى. ويتكەنى ءارى اۋىز سۋ رەتىندە تۇتىنىپ, ءارى تابيعي دەمالىس ورنى رەتىندە پايدالاناتىن كاسپيدىڭ ەكولوگياسى ماڭعىستاۋ حالقى ءۇشىن اسا ماڭىزدى. ماسەلەگە ءمان بەرگەن وڭىردەگى ەكولوگيا دەپارتامەنتى وكىلدەرى كوپ ۇزاماي «تەڭىز سۋىنىڭ قارايۋىنا شىرىگەن بالدىرلاردىڭ ىدىراۋى, سونداي-اق سۋدىڭ تايازدانىپ تۇرىپ قالۋى سياقتى ۇزاق مەرزىمدى تابيعي قۇبىلىستىڭ سالدارىنان تەڭىز تۇبىندەگى لايدىڭ شىعۋى سەبەپ بولۋى مۇمكىن» دەگەن پىكىر ءبىلدىردى جانە دەپارتامەنت ءتيىستى مەملەكەتتىك ورگاندارعا حات جولداعانىن حابارلادى.
سونىمەن قاتار «الەۋمەتتىك جەلىلەرگە جۇرگىزىلگەن مونيتورينگ اياسىندا 31 مامىردا اقتاۋ قالاسىنىڭ 1-شاعىناۋدانىنداعى جاعاجاي سۋىنىڭ لاستانعانى تۋرالى انىقتالعان مالىمەتكە سايكەس تەكسەرۋ بارىسىندا ەكولوگيا دەپارتامەنتىنىڭ ماماندارى وعان ماڭايىنداعى زاڭسىز سالىنعان پيرستەر سەبەپ بولعانىن انىقتادى» دەگەن مالىمدەمە بەرگەن قۇزىرلى مەكەمە.
ولاردىڭ ايتۋىنشا, اقتاۋ قالاسى اكىمدىگى بۇل زاڭسىز بۇزۋ ارەكەتتەرى بويىنشا بىلتىردان بەرى شارا قابىلداپ كەلەدى جانە بيىل 19 مامىردا ءپيرستى بۇزۋ اياقتالعان. قازىر سۋدىڭ تابيعي جاڭارۋ ءۇردىسى ءجۇرىپ جاتىر ەكەن. جاعاجايدىڭ بۇل تۇسى 2021 جىلعى 29 قازانىنان باستاپ «Mangystau project» جشس باسقارۋىنا بەرىلگەن. ەندى كەلىسىمشارتقا سايكەس, جاقىن ارادا كاسىپكەر جاعالاۋ ايماعىن تازارتۋ شارالارىن قولعا الماق, ياعني بۇزىلعان پيرس ورنىن تازارتىپ, جاعالاۋ ايماعىن دەزينفەكتسيالاۋ جۇمىستارى جۇرگىزىلمەك.
ارتىنشا جەرگىلىكتى ەكولوگيا دەپارتامەنتى جولداعان حات نەگىزىندە ماسەلەگە قۇزىرلى مينيسترلىك ءۇن قاتتى. «ماڭعىستاۋ وبلىسى بويىنشا ەكولوگيا دەپارتامەنتىنىڭ ماماندارى جاعدايدىڭ سەبەبىن انىقتاۋ ماقساتىندا تەكسەرۋ جۇمىستارىن جۇرگىزدى. ساراپتاۋ بارىسىندا تەڭىزدىڭ قارا تۇسكە بويالۋىنىڭ سەبەبى شىرىگەن تەڭىز وسىمدىكتەرى ىدىراۋىنان جانە تەڭىز تۇبىندەگى كوپجىلدىق تابيعي قۇبىلىستارعا بايلانىستى تۇنبانىڭ جينالۋىنان ەكەندىگى انىقتالدى. الاڭداۋعا ەش نەگىز جوق», دەي كەلە, جاعالاۋدى لاي مەن وزگە دە لاستانۋدان تازارتۋ ءۇشىن قاجەتتى شارالار اتقارىلىپ جاتقانى تۋرالى اقپاراتتى جولدادى.
ماڭعىستاۋ وبلىسى
