مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قازاقستان پارلامەنتى سەناتىنىڭ توراعاسى ماۋلەن اشىمباەۆ مىسىردا «سۇلتان از-زاھير بەيبارىس» مەشىتىنىڭ اشىلۋ راسىمىنە قاتىستى.
ءىس-شارا داڭقتى بيلەۋشىنىڭ 800 جىلدىعىنا وراي ۇيىمداستىرىلىپ وتىر. سالتاناتتى جيىن بارىسىندا پالاتا سپيكەرىمەن بىرگە ءال-ازھاردىڭ جوعارعى يمامى, شەيح احمەد ات-تايەب, ءدىن وكىلدەرى سونداي-اق قازاقستان مەن مىسىردىڭ مەملەكەت جانە قوعام قايراتكەرلەرى ءسوز سويلەدى.
قازاقستان وكىلدەرى قۇرامىندا اقپارات جانە قوعامدىق دامۋ ءمينيسترى دارحان قىدىرالى دە بولدى. 
ماۋلەن اشىمباەۆ ءوز سوزىندە سۇلتان بەيبارىستىڭ ەسىمى جاھان تاريحىنا دانا ءارى ءادىل بيلەۋشى, ۇلى قولباسشى رەتىندە التىن ارىپپەن جازىلعانىن اتاپ ءوتتى. سونداي-اق ول بەيبارىستىڭ 800 جىلدىعى قازاق حالقى مەن مىسىرلىقتار ءۇشىن ءمانى تەرەڭ, ماڭىزى زور وقيعا ەكەنىن تىلگە تيەك ەتتى.
