مادەني ءىس-شاراعا قر ۇلتتىق ۇلانىنىڭ وركەسترلەرى, مەملەكەتتىك كۇزەت قىزمەتىنىڭ پرەزيدەنتتىك وركەسترى, ۇلتتىق قاۋىپسىزدىك كوميتەتىنىڭ شەكارا قىزمەتى ءانسامبلى, قورعانىس مينيسترلىگىنىڭ ورتالىق وركەسترى جانە توتەنشە جاعدايلار مينيسترلىگىنىڭ وركەسترى, سونداي-اق ەلىمىزدىڭ شىعارماشىلىق ۇجىمدارى قاتىستى.
پلاتس-كونتسەرت بارىسىندا مۋزىكالىق ۇجىمدار الەمدىك كلاسسيكا مەن حالىق اراسىنداعى رۋحتى اندەردى ورىنداۋدا جوعارى شەبەرلىك كورسەتتى.
سونداي-اق فەستيۆال بارىسىندا ۇلتتىق ۇلاننىڭ اسكەري وركەسترلەرى اراسىندا بايقاۋ ءوتتى. ونىڭ قورىتىندىسى بويىنشا ۇلتتىق ۇلان اكادەمياسىنىڭ وركەسترى (پەتروپاۆل ق.) ءۇشىنشى ورىندى يەلەندى. ەكىنشى ورىندى «ورتالىق» (قاراعاندى ق.) جانە «باتىس» (ورال ق.) وڭىرلىك قولباسشىلىقتارىنىڭ جيىنتىق وركەسترلەرى يەلەندى. ءبىرىنشى ورىندى «وڭتۇستىك» وڭىرلىك قولباسشىلىعىنىڭ جيىنتىق وركەسترى (الماتى ق.) يەلەندى. «اسكەري كەرنەي» كونكۋرسىنىڭ گران-پريءىن «شىعىس» وڭىرلىك قولباسشىلىعىنىڭ جيىنتىق وركەسترى (وسكەمەن ق.) جەڭىپ الدى.
«ۇلتتىق ۇلاننىڭ باس قولباسشىلىعى اتىنان جانە ءوز اتىمنان بارلىق اسكەري ديريجەرلەر مەن مۋزىكانتتارعا كونكۋرسقا قاتىسقانى ءۇشىن العىسىمدى بىلدىرەمىن. ءىس-شارانى ۇيىمداستىرۋدا كورسەتكەن قولداۋى ءۇشىن استانا قالاسىنىڭ اكىمىنە ەرەكشە العىس ايتامىن. سونىڭ ناتيجەسىندە قازاقستاننىڭ ۇزدىك اسكەري وركەسترلەرى ەلوردانىڭ مادەني الاڭدارىندا وزدەرىنىڭ مۋزىكالىق شەبەرلىكتەرىن كورسەتتى. بارلىق مۋزىكالىق ۇجىممۇشەلەرىنە زور دەنساۋلىق, شىعارماشىلىق تابىس تىلەيمىن. جاڭا بيىكتەرگە جەتە بەرىڭىزدەر! سونداي-اق ەلىمىزدىڭ وركەندەۋى جولىنداعى اسكەري قىزمەتتەرىڭىزگە زور تابىس تىلەيمىن», دەدى ىشكى ىستەر ءمينيسترىنىڭ ورىنباسارى – قازاقستان رەسپۋبليكاسى ۇلتتىق ۇلانىنىڭ باس قولباسشىسى گەنەرال-لەيتەنانت ەركىن بوتاقانوۆ.
بۇگىندە جىل سايىن ۇيىمداستىرىلاتىن اسكەري وركەسترلەر فەستيۆالى باس قالاداعى ماڭىزدى مادەني ءىس-شارالاردىڭ بىرىنە اينالدى. سوندىقتان اركەز استانا تۇرعىندارى مەن قوناقتارىنا جارقىن اسەر قالدىرىپ كەلەدى. بۇل جولى دا كونتسەرتتىك باعدارلاما اسكەري, كلاسسيكالىق, حالىقتىق جانە ەسترادالىق مۋزىكا, دەفيلە شەرۋى, پلاتس-كونتسەرت جانە اسكەري قىزمەتشىلەردىڭ قارۋ-جاراقپەن كورسەتىلىمدەرىنءىڭ ورگانيكالىق تۇردە ۇيلەسىمدىلىگىمەن ءوتتى.
ايتا كەتەيىك, ۇلتتىق ۇلاننىڭ باستاماسىمەن اسكەري وركەسترلەر اراسىندا فەستيۆال وتكىزۋ جاقسى داستۇرگە اينالدى. وسى ۋاقىت ىشىندە وعان ەلىمىزدىڭ عانا ەمەس, قىتايدىڭ, رەسەيدىڭ جانە باسقا دا شەت مەملەكەتتەردىڭ جەتەكشى ۇجىمدارى قاتىسقان.
