سپيكەردىڭ ايتۋىنشا, بيىل اقمولا وبلىسىندا بارلىعى ەكى ادامنىڭ سۋدا قازا تابۋ فاكتىسى تىركەلگەن. ءبىرىنشى وقيعا بيىلعى جىلدىڭ 30 ساۋىرىندە بولعان. ودان كەيىن 33 جاستاعى ەر ادام قۇتقارۋ جيلەتىن قولدانباي اقاۋى بار سۋ كەمەسىندە بالىق اۋلاپ ءجۇرىپ سۋعا باتىپ كەتكەن.
ەكىنشى قايعىلى وقيعا 1 ماۋسىم كۇنى ساعات 17.30-دا تسەلينوگراد اۋدانىنىڭ تالاپكەر اۋىلىندا بولدى.
«استانا قالاسىنان بەس ادامنان تۇراتىن توپ ەسىل وزەنىنە دەمالۋعا كەلدى. مەرەكە كەزىندە ءتورت قىز سۋعا ءتۇستى. قول ۇستاسىپ سۋدا اينالا باستادى. جاعادان ءبىر-ەكى مەتر الىستاعان سوڭ, شومىلعان ءتورت قىز دا سۋعا باتا باستادى», دەپ ءبولىستى اسحات اقىلجانوۆ.
سول كەزدە سۋ قويماسىنىڭ جاعاسىندا ءۇش كۋاگەر بولعان, سولاردىڭ ارقاسىندا سۋعا باتقانداردىڭ ۇشەۋى امان قالعان. وكىنىشكە قاراي, تاعى ءبىر قىز جاعادان الىس بولعاندىقتان جۇزە المادى.
وزەننىڭ بۇل ۋچاسكەسى سۋعا تۇسۋگە تىيىم سالىنعان جەر.
جىل سايىن اقمولا وبلىسىنىڭ سۋ ايدىندارىندا 30-عا دەيىن ادام ولەدى, ەڭ كوپ ءولىم جازعى كەزەڭدەگى شومىلۋ ماۋسىمىندا ورىن الادى. سوڭعى ءتورت جىلدا وبلىستىڭ سۋ ايدىندارىندا شومىلۋ ماۋسىمىندا بولعان وقىس وقيعالاردان 58 ادام قايتىس بولدى, ونىڭ 16-سى بالالار. بايانداماشى اقمولالىقتاردى سۋداعى ءوزىن-ءوزى ۇستاۋ ەرەجەلەرىن قاتاڭ ساقتاۋعا شاقىردى.
