مارات احمەتجانوۆتىڭ اتاپ وتكەندەي, بيىلدىڭ وزىندە ينتەرنەتتە 7800-دەن استام الاياقتىق جاسالعان.
«ازاماتتار ونلاين قىزمەتتەر مەن بانك قىزمەتتەرىن بەلسەندى پايدالانادى. قاۋىپسىزدىك شارالارى مەن حالىقتىڭ تسيفرلىق ساۋاتتىلىعى تسيفرلاندىرۋ قارقىنىنا سايكەس كەلمەيدى. قازىرگى كيبەرقىلمىستىڭ شەكاراسى جوق. الاياقتار شەتەلدەن قوڭىراۋ شالىپ, جالعان ابونەنتتىك نومىرلەردى پايدالانادى, سوندىقتان بايلانىس وپەراتورلارىنا تەحنيكالىق توسقاۋىل قويادى. جالعان نومىرلەردەن تۇسكەن 17 ميلليون قوڭىراۋ بۇعاتتالدى», دەدى مارات احمەتجانوۆ استانا اكتيۆىمەن كەزدەسۋى بارىسىندا.
ۆەدومستۆو باسشىسى ەلوردادا كيبەرپولدىڭ قۇرىلعانىن ەسكە سالدى (ىشكى ىستەر مينيسترلىگى تسيفرلىق تەحنولوگيالار سالاسىنداعى قىلمىسپەن كۇرەسۋ ءۇشىن قولعا العان پيلوتتىق جوبا).
ء«بىز ونى زاماناۋي قۇرال-جابدىقتارمەن جابدىقتاپ, ينتەرنەتتەگى قىلمىستاردى اشۋ مەن تەرگەۋ تاسىلدەرىن وزگەرتتىك. وسىنداي فاكتىلەر بويىنشا ازاماتتاردىڭ وتىنىشتەرى ء«بىر تەرەزە» قاعيداتى بويىنشا قابىلدانادى. ناتيجەلەر بار. نەبارى 5 ايدا ەسىل اۋدانىندا وسىنداي 864 قىلمىس تىركەلگەن. ونىڭ 308-ءى اشىلدى. سونداي-اق استانا مەن قوستانايدا جوق كولىكتەردى ۇتىپ الۋ ءۇشىن call-ورتالىعىن ۇيىمداستىرعان قىلمىستىق توپتىڭ 18 مۇشەسى ۇستالدى. ولار 80 ازاماتتى الداپ كەتكەن. كەلتىرىلگەن شىعىن 90 ميلليون تەڭگەنى قۇرادى. سونداي-اق ەلوردادا ينتەرنەت-ساۋدانى سىلتاۋ ەتىپ, 26 ازاماتتى الداپ كەتكەن الاياق ۇستالدى. كەلتىرىلگەن شىعىن 4 ميلليون تەڭگەدەن استى. ۇيىمداستىرۋشىلاردىڭ كوبى شەتەلدە قالادى. سوندىقتان ءبىز شەتەلدىك ارىپتەستەرمەن تىعىز ارالاسامىز», دەپ ناقتىلادى ءىىم باسشىسى.
ونىڭ ايتۋىنشا, مۇنىمەن قاتار كيبەرقىلمىستىڭ جاڭا تۇرلەرىن انىقتاۋ ءۇشىن بىرىڭعاي ۇيلەستىرۋ قۇرىلىمىن دايىنداۋ جوسپارلانىپ جاتىر.
