قازاقستان رەسپۋبليكاسى ۇكىمەتىنىڭ قاۋلىسى №683

2014 جىلعى 19 ماۋسىم,  استانا, ۇكىمەت ءۇيى قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارىن بەكىتۋ تۋرالى «قۇقىق قورعاۋ قىزمەتى تۋرالى» 2011 جىلعى 6 قاڭتارداعى قازاقستان رەسپۋبليكاسىنىڭ زاڭى 6-بابىنىڭ 5-1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 19 ماۋسىمداعى № 683 قاۋلىسىمەن بەكىتىلگەن قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارى 1. وسى قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارى (بۇدان ءارى – قاعيدالار) ازاماتتاردىڭ, سونداي-اق قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىنىڭ پوليگرافولوگيالىق زەرتتەۋدەن ءوتۋى ءتارتىبىن ايقىندايدى. 2. وسى قاعيدالاردا پايدالانىلاتىن نەگىزگى ۇعىمدار مەن تەرميندەر: 1) پوليگراف – انالوگتىق جانە (نەمەسە) تسيفرلى تۇردە كورىنەتىن ۆەربالدىق جانە كورۋ ستيمۋلدارىنا جاۋاپتا ادامنىڭ قارقىندى فيزيولوگيالىق رەاكتسياسىنا (تىنىس الۋى, جۇرەك-تامىرلارىنىڭ بەلسەندىلىگى, تەرى-گالۆانيكالىق رەاكتسياسى, قوزعالىس بەلسەندىلىگى, بەت الپەتىنىڭ ميميكاسى جانە باسقالارى) ساۋالداما جۇرگىزۋ پروتسەسىندە تىركەۋگە ارنالعان تەحنيكالىق قۇرىلعى; 2) پوليگرافولوگيالىق زەرتتەۋ – ادامنىڭ پسيحوفيزيولوگيالىق كۋالاندىرۋ كەزىندە پايدا بولاتىن جەكەلەگەن فيزيولوگيالىق رەاكتسيالارىن ارنايى مەديتسينالىق داتچيكتەردىڭ كومەگىمەن تىركەۋدەن تۇراتىن ساۋالداما جۇرگىزۋ ءراسىمى; 3) پوليگرافولوگ – ءتيىستى دايارلىقتان وتكەن جانە پوليگرافولوگيالىق زەرتتەۋ جۇرگىزۋگە ونىڭ قۇقىعىن راستايتىن قۇجاتى (سەرتيفيكات, ديپلوم, كۋالىك) بار ادام. 3. پوليگرافولوگيالىق زەرتتەۋدەن (بۇدان ءارى – زەرتتەۋ): 1) قازاقستان رەسپۋبليكاسىنىڭ قۇقىق قورعاۋ ورگاندارىنا قىزمەتكە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) قابىلداناتىن ازاماتتار; 2) قازاقستان رەسپۋبليكاسى قۇقىق قورعاۋ ورگاندارىنىڭ اتتەستاتتاۋعا جاتاتىن قىزمەتكەرلەرى; 3) قىزمەتتىك تەرگەۋ جۇرگىزگەن كەزدە قاجەتتىلىگى بويىنشا قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرى وتەدى. 4. قوسىمشا اقپارات الۋ جانە قۇقىق قورعاۋ قىزمەتىنە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) قابىلداناتىن ازاماتتار مەن قازاقستان رەسپۋبليكاسى قۇقىق قورعاۋ ورگاندارى قىزمەتەرلەرى (بۇدان ءارى – زەرتتەلەتىن ادامدار) حابارلاعان مالىمەتتەردىڭ راستىعىن تەكسەرۋ زەرتتەۋ جۇرگىزۋدىڭ ماقساتى بولىپ تابىلادى. 5. قازاقستان رەسپۋبليكاسىنىڭ قۇقىق قورعاۋ قىزمەتىنە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) قابىلداناتىن ازاماتتار قاعيدالاردىڭ 1-قوسىمشاسىنا سايكەس كادر بولىمشەسىنىڭ جولداماسى بويىنشا اسكەري-دارىگەرلىك كوميسسيادا زەرتتەۋدەن وتەدى. قازاقستان رەسپۋبليكاسى قورعاۋ ورگاندارىنىڭ قىزمەتكەرلەرى اتتەستاتتاۋ جانە قىزمەتتىك تەرگەۋ جۇرگىزۋ كەزىندە قۇقىق قورعاۋ ورگاندارىنىڭ ءتيىستى بولىمشەلەرىندە زەرتتەۋدەن وتەدى. 6. زەرتتەۋدەن ءوتۋدىڭ نەگىزگى مىندەتتەرى: 1) قازاقستان رەسپۋبليكاسىنىڭ قۇقىق قورعاۋ قىزمەتىنە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) قابىلداعان كەزدە: قۇقىق قورعاۋ قىزمەتىنە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) كەلۋدەگى قۇقىققا قايشى نيەتىن (تىيىم سالىنعان قوعامدىق بىرلەستىكتەر قىزمەتىنىڭ, قىلمىستىق جانە تەرروريستىك ۇيىمدار مۇددەلەرىنە جانە باسقالارى); ءجۇرىس-تۇرىسىنداعى جاسىرىن اۋىتقۋدى, جاعىمسىز تاۋەلدىلىگىن, ەسىرتكى, پسيحوتروپتىق جانە پسيحيكالىق جانە ءتاني تاۋەلدىلىك تۋعىزاتىن وزگە دە پسيحواكتيۆتى زاتتاردى تۇتىنۋىن; قۇقىق قورعاۋ ورگاندارىندا قىزمەتتەن تولىققاندى وتۋىنە كەدەرگى كەلتىرەتىن جاسىرىن سىرقاتتارىن, ءوز-وزىنە قول جۇمساۋعا بەيىمدىلىگىن; ساۋالنامالىق دەرەكتەرىن, كىرىستەرى تۋرالى, مۇلكى جانە م ۇلىكتىك سيپاتتاعى مىندەتتەمەلەرى, قوس ازاماتتىعىنىڭ بار ەكەندىگى, جالعان قۇجاتتاردى پايدالانعانى تۋرالى مالىمەتتەردى جاسىرۋىن نەمەسە بۇرمالاۋىن; سىبايلاس جەمقورلىق قۇقىق بۇزۋشىلىقتار جاساۋىنىڭ, بوگدە ادامدارعا قۇپيا نەمەسە قىزمەتتىك اقپارات بەرۋىنىڭ بۇرىن ورىن العان فاكتىلەرىن; تارتىپتىك, اكىمشىلىك جانە قىلمىستىق, سونىڭ ىشىندە سىبايلاس جەمقورلىق قۇقىق بۇزۋشىلىقتار جاساعانى ءۇشىن قىلمىستىق جاۋاپتىلىققا تارتىلۋ فاكتىلەرىن; تىيىم سالىنعان قوعامدىق بىرلەستىكتەرمەن, قىلمىستىق جانە تەرروريستىك ۇيىمدارمەن بايلانىستارىن نەمەسە ەگەر ول بۇرىن ولاردىڭ قىزمەتتىك مىندەتتەمەلەرىنە كىرمەگەن بولسا, كوممەرتسيالىق قۇرىلىمدارعا قاتىسۋىن; قىزمەتتىك وكىلەتتىكتەرىن تەرىس پايدالانۋىن; 2) اتتەستاتسيا وتكىزگەن كەزدە: قۇقىق قورعاۋ ورگاندارىندا قىزمەتتە بولۋداعى جاسىرىن تەرىس سەبەپتەرىن (تىيىم سالىنعان قوعامدىق بىرلەستىكتەر قىزمەتىنىڭ, قىلمىستىق جانە تەرروريستىك ۇيىمدار مۇددەلەرىنە جانە باسقالارى); ءجۇرىس-تۇرىسىنداعى جاسىرىن اۋىتقۋدى, جاعىمسىز تاۋەلدىلىگىن, ەسىرتكى, پسيحوتروپتىق جانە پسيحيكالىق جانە ءتاني تاۋەلدىلىك تۋعىزاتىن وزگە دە پسيحواكتيۆتى زاتتاردى تۇتىنۋىن; قۇقىق قورعاۋ ورگاندارىندا قىزمەتتەن تولىققاندى وتۋىنە كەدەرگى كەلتىرەتىن جاسىرىن سىرقاتتارىن, ءوز-وزىنە قول جۇمساۋعا بەيىمدىلىگىن; ساۋالنامالىق دەرەكتەرىن, كىرىستەرى تۋرالى, مۇلكى جانە م ۇلىكتىك سيپاتتاعى مىندەتتەمەلەرى, قوس ازاماتتىعىنىڭ بار ەكەندىگى, جالعان قۇجاتتاردى پايدالانعانى تۋرالى مالىمەتتەردى جاسىرۋىن نەمەسە بۇرمالاۋىن; سىبايلاس جەمقورلىق قۇقىق بۇزۋشىلىقتار جاساۋىنىڭ, بوگدە ادامدارعا قۇپيا نەمەسە قىزمەتتىك اقپارات بەرۋىنىڭ بۇرىن ورىن العان فاكتىلەرىن; تارتىپتىك, اكىمشىلىك جانە قىلمىستىق, سونىڭ ىشىندە سىبايلاس جەمقورلىق قۇقىق بۇزۋشىلىقتارىن جاساعانى ءۇشىن قىلمىستىق جاۋاپتىلىققا تارتىلۋ فاكتىلەرىن; تىيىم سالىنعان قوعامدىق بىرلەستىكتەرمەن, قىلمىستىق جانە تەرروريستىك ۇيىمدارمەن بايلانىستارىن نەمەسە ەگەر ول بۇرىن ولاردىڭ قىزمەتتىك مىندەتتەمەلەرىنە كىرمەگەن بولسا, كوممەرتسيالىق قۇرىلىمدارعا قاتىسۋىن; قىزمەتتىك وكىلەتتىكتەرىن تەرىس پايدالانۋىن; 3) قىزمەتتىك تەرگەۋ جۇرگىزگەن كەزدە: تەرىس قىلىق نە قۇقىق بۇزۋشىلىق جاساۋىنىڭ ءمان-جايلارىن; قىزمەتكەردىڭ اتالعان تەرىس قىلىققا نە قۇقىق بۇزۋشىلىققا قاتىستىلىعىن; قىزمەتتىك وكىلەتتىگىن تەرىس پايدالانۋ فاكتىلەرىن انىقتاۋ بولىپ تابىلادى. اتتەستاتتاۋ, سونداي-اق قىزمەتتەن ءوتۋ ەرەكشەلىگىن نەمەسە انىقتاۋعا جاتاتىن ءمان-جايلاردى ەسكەرە وتىرىپ, قىزمەتتىك تەرگەۋ جۇرگىزۋ بارىسىندا ءبىرىنشى باسشى انىقتاۋعا جاتاتىن قوسىمشا مىندەتتەر قويۋى مۇمكىن. 7. زەرتتەۋدى پوليگرافتى پايدالانا وتىرىپ, پوليگرافولوگ جۇرگىزەدى جانە وزىنە بىرقاتار كەزەكتى كەزەڭدەر قوسادى: 1) زەرتتەلەتىن اداممەن تەستىلەۋ الدىنداعى اڭگىمەلەسۋلەر جۇرگىزۋ; 2) زەرتتەلەتىن ادامدى تەستىلەۋ; 3) قورىتىندى شىعارۋ. 8. زەرتتەۋ زەرتتەلەتىن ادامنىڭ قالاۋى بويىنشا مەملەكەتتىك نە ورىس تىلىندە جۇرگىزىلەدى جانە زەرتتەلەتىن ادامدا قادىر-قاسيەتىن ءتۇسىرۋ نەمەسە قورلاۋ سەزىمىنىڭ تۋىنداۋىن بولدىرماۋى ءتيىس. قاجەت بولعان جاعدايدا اۋدارماشى ۇسىنىلادى. 9. پوليگرافولوگ زەرتتەۋ جۇرگىزەر الدىندا قولداعى ماتەريالدارمەن الدىن الا تانىسادى, قاجەت بولعان كەزدە زەرتتەلەتىن ادامنىڭ دەنساۋلىعىنىڭ جاي-كۇيى تۋرالى مەديتسينالىق قۇجاتتاردى زەردەلەيدى جانە مەديتسينالىق مەكەمەنىڭ ءتيىستى ماماندارىمەن اقىلداسادى. 10. زەرتتەلەتىن اداممەن جۇرگىزىلەتىن تەستىلەۋ الدىنداعى اڭگىمەلەسۋلەر: 1) زەرتتەلەتىن ادامنىڭ قۇقىقتارىن, سونداي-اق زەرتتەۋدىڭ مىندەتتەرىن ءتۇسىندىرۋدى; 2) پوليگرافپەن جانە ونىڭ جۇمىس قاعيداتىمەن تانىسۋدى; 3) سۇراقتاردى تالقىلاۋدى جانە تۇزەتۋدى; 4) جاۋاپتان جالتارۋدى, ءتارتىبى مەن اڭگىمەسىندەگى كۇيگەلەكتىگىن, ءىس-قيمىلىنىڭ سايكەسسىزدىگىن انىقتاۋ مەن تىركەۋدى قاراستىرادى. 11. زەرتتەلەتىن ادام تەستىلەۋدەن وتەر الدىندا قاعيدالاردىڭ 2-قوسىمشاسىنا سايكەس نىسان بويىنشا ەكى بولىكتەن تۇراتىن پوليگرافولوگيالىق زەرتتەۋ تۋرالى دەكلاراتسيا (بۇدان ءارى – دەكلاراتسيا) تولتىرادى. دەكلاراتسيانىڭ ءبىرىنشى بولىگى تەستىلەۋ الدىندا, ەكىنشى بولىگى تەستىلەۋدەن وتكەن سوڭ تولتىرىلادى). تەستىلەۋ ساتىندە كوڭىل-كۇيى ناشارلاعان زەرتتەلەتىن ادام بۇل تۋرالى تەستىلەۋدى جۇرگىزۋ باستالعانعا دەيىن پوليگرافولوگقا حابارلايدى جانە ول تۋرالى دەكلاراتسيادا كورسەتەدى. بۇل جاعدايدا وسىنداي ادامداردى تەستىلەۋ وسى كۇن ىشىندە باسقا ۋاقىتتا نە باسقا كۇنى جۇرگىزىلەدى, بۇل رەتتە, كوڭىل-كۇيىنىڭ ناشارلاۋ سەبەبى بويىنشا تەستىلەۋدى اۋىستىرۋعا ون كۇنتىزبەلىك كۇن ىشىندە كەمىندە ەكى رەت جول بەرىلەدى. سونىمەن قاتار, زەرتتەلەتىن ادامدى: 1) جۇرەك-قانتامىرى نەمەسە تىنىس الۋ قىزمەتىنىڭ بۇزىلۋىنا بايلانىستى سىرقاتى كۇرت ۋشىققان جاعدايدا (زەرتتەلەتىن ادام ءتيىستى مەديتسينالىق قورتىندى ۇسىنادى); 2) زەرتتەلەتىن ادام الكوگولگە نەمەسە ەسىرتكىگە ماس كۇيدە بولسا نەمەسە ۋلانۋىنىڭ قالدىق قۇبىلىستارى بولسا; 3) جۇكتىلىگى تۋرالى دەرەكتەر بولسا تەستىلەۋگە جول بەرىلمەيدى. 12. زەرتتەۋ جۇرگىزگەن كەزدە ونى اۋديو جانە بەينەگە جازىپ الۋ جۇزەگە اسىرىلادى, ول تۋرالى زەرتتەلەتىن ادامعا حابارلانادى. 13. زەرتتەلەتىن ادامدى ۇزدىكسىز تەستىلەۋدىڭ ۇزاقتىعى 120 مينۋتتان اسپاۋى ءتيىس. جۇكتەمەنى ازايتۋ ءۇشىن تەستىلەۋ بارىسىندا زەرتتەلەتىن ادامعا ۇزاقتىعى 15 مينۋتقا دەيىنگى دەمالىس بەرىلەدى. بۇل رەتتە, زەرتتەۋ جۇرگىزگەن كەزدە ءبىر پوليگرافولوگقا ارنالعان جۇمىس جۇكتەمەسى كۇنىنە ەكى ادامنان اسپاۋى ءتيىس. 14. زەرتتەلەتىن ادام تەستىلەۋدەن وسى ماقساتتار ءۇشىن ارنايى جابدىقتالعان بولمەلەردە دە, سونداي-اق كەز كەلگەن وزگە بولمەلەردە دە وتە بەرەدى. بولمەلەرگە قويىلاتىن نەگىزگى تالاپتار مىنالار بولىپ تابىلادى: 1) الاڭى كەمىندە 10 شارشى مەتر, توبەسىنىڭ بيىكتىگى كەمىندە 2,5 مەتر; 2) قابىرعالارى مەن توبەلەرى دىبىستان وقشاۋلاۋدىڭ ءتيىستى دەڭگەيىن قامتاماسىز ەتەتىن, بەيتاراپ جانە جاعىمدى تۇسكە بويالعان بولۋى; 3) بولمەدەگى اۋانىڭ تۇراقتى تەمپەراتۋراسى +20-دان +25-كە دەيىنگى س°. 15. زەرتتەۋدەن ءوتۋ ناتيجەلەرى بويىنشا زەرتتەلەتىن ادامنىڭ قويعان سۇراقتارعا بەرگەن جاۋاپتارىنىڭ دۇرىستىعى تۋرالى تۇجىرىمى بار قورىتىندى جاسالادى. قورىتىندىعا جۇرگىزىلگەن زەرتتەۋلەردىڭ ءمانىن بارىنشا انىقتايتىن قوسىمشا مالىمەتتەر جازىلۋى مۇمكىن. 16. زەرتتەۋ بارىسىندا الىنعان اقپارات ىقتيمالدىق, ۇسىنىمدىق سيپاتتا بولادى, سونداي-اق قوسالقى مانگە يە بولادى, كادر بولىمشەلەرىنىڭ قىزمەتكەرلەرى جانە قۇقىق قورعاۋ ورگاندارى ءبىلىم بەرۋ مەكەمەلەرىنىڭ قابىلداۋ كوميسسيالارى, اتتەستاتتاۋ كوميسسيالارى جانە وزىندىك قاۋىپسىزدىك قىزمەتتەرى (بۇدان ءارى – مۇددەلى بولىمشەلەر) قۇقىق قورعاۋ ورگانىنا قىزمەتكە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) قابىلداۋ, اتتەستاتتاۋدان وتكىزۋ جانە قىزمەتتىك تەرگەۋ جۇرگىزۋ تۋرالى ماسەلەنى شەشكەن كەزدە پايدالانادى. 17. زەرتتەۋ بارىسىندا دايىندالىپ جاتقان, جاسالىپ وتىرعان نەمەسە جاسالعان قۇقىق بۇزۋشىلىقتارعا زەرتتەلەتىن ادامنىڭ قاتىسىنىڭ بار ەكەندىگى تۋرالى اقپارات انىقتالعان جاعدايدا, پوليگرافولوگ ونى مۇددەلى بولىمشەنىڭ باستىعىنا (باسشىسىنا) جەتكىزەدى جانە زاڭنامالاردا بەلگىلەنگەن تارتىپپەن تەكسەرەدى. 18. پوليگرافولوگيالىق زەرتتەۋدەن وتكەنى تۋرالى قورتىندىنى پوليگرافولوگ قاعيدالاردىڭ 3-قوسىمشاسىنا سايكەس نىسان بويىنشا ءۇش جۇمىس كۇنى ىشىندە دايىندايدى, كەيىن مۇددەلى بولىمشەگە جولدايدى. 19. زەرتتەۋ ماتەريالدارى قىزمەت بابىندا پايدالانۋعا ارنالعان قۇجاتتارعا جاتقىزىلادى. 20. زەرتتەۋ ماتەريالدارى (زەرتتەۋدىڭ ناتيجەلەرى تۋرالى قورىتىندى, پوليگرامم تۇرىندە پرينتەردەن باسىپ شىعارىلعان پسيحوفيزيولوگيالىق رەاكتسيالار, اۋديو جانە بەينە ماتەريالدار, سۇراقتار جانە باسقا دا قۇجاتتار) زەرتتەۋگە جولداعان بولىمشەنىڭ مۇراعاتىندا: 1) قازاقستان رەسپۋبليكاسىنىڭ قۇقىق قورعاۋ قىزمەتىنە (قۇقىق قورعاۋ ورگاندارىنىڭ ءبىلىم بەرۋ ۇيىمدارىنا وقۋعا) كىرگەن جانە قابىلدانباعان ازاماتتارعا قاتىستى بەس جىل بويى; 2) قازاقستان رەسپۋبليكاسىنىڭ قۇقىق قورعاۋ ورگاندارى قىزمەتكەرلەرىنە قاتىستى جيىرما بەس جىل بويى ساقتالادى. 21. زەرتتەۋدىڭ ناتيجەلەرىن جاريا ەتكەنى جانە (نەمەسە) بۇرمالاعانى ءۇشىن پوليگرافولوگقا جانە قازاقستان رەسپۋبليكاسىنىڭ قۇقى قورعاۋ ورگاندارى مۇددەلى بولىمشەلەرىنىڭ باستىقتارىنا (باسشىلارىنا) قازاقستان رەسپۋبليكاسىنىڭ زاڭدارىمەن كوزدەلگەن جاۋاپكەرشىلىك جۇكتەلەدى. قازاقستان رەسپۋبليكاسىنى قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارىنا 1-قوسىمشا پوليگرافولوگيالىق زەرتتەۋگە جولداما جولداما تۇبىرتەگىنىڭ №____ پوليگرافولوگيالىق زەرتتەۋگە جولدانادى ________________________________________ (زەرتتەلەتىن ادامنىڭ اتى-ءجونى) ________________________________________ (زەرتتەۋدىڭ نەگىزدەمەسىن كورسەتۋ كەرەك)     كادر بولىمشەسىنىڭ باسشىسى _________________________________________ (قىزمەتىن, اتى-ءجونىن كورسەتۋ كەرەك) 20___ج. «____»____________________________.     ______________________________________ (جولداما بەرگەن ورگاننىڭ اتاۋى) ______________________________________ (اسكەري-دارىگەرلىك كوميسسيانىڭ اتاۋى) كوميسسيانىڭ مەكەنجايى: ________________________ جولداما №_______ پوليگرافولوگيالىق زەرتتەۋگە جولدانادى ____________________________________ (زەرتتەلۋشىنىڭ اتى-ءجونى) ______________________________________ (زەرتتەۋدىڭ نەگىزدەمەسىن كورسەتۋ كەرەك) فوتوسۋرەت م.و. كادر بولىمشەسىنىڭ باسشىسى _______________________________________ (قىزمەتىن, اتى-ءجونىن كورسەتۋ كەرەك) 20___ج. «_____»_________________________   قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارىنا 2-قوسىمشا نىسان پوليگرافولوگيالىق زەرتتەۋ تۋرالى دەكلاراتسيا 1-ءبولىم (تەستىلەۋ وتكىزگەنگە دەيىن تولتىرىلادى) 1. زەرتتەلەتىن ادامنىڭ ت.ا.ءا. _____________________________________ ________________________________________________________________ شاعىمى:________________________________________________________ ________________________________________________________________ كوڭىل-كۇيى: ______________________________________________________ ەموتسيالىق جاي-كۇيى:______________________________________________ تەستىلەۋ ساتىندەگى جالپى كوڭىل-كۇيى:_________________________________ ________________________________________________________________ جۇرەك-قانتامىر جانە تىنىس جولدارى قىزمەتىنىڭ بۇزىلۋىنا بايلانىستى سىرقاتتارىنىڭ بار ەكەندىگى تۋرالى مەديتسينالىق قۇجاتتارىنىڭ بولۋى: ________________ _________________________________________________________________ 2. ماعان, پوليگرافولوگپەن اڭگىمەلەسۋ بارىسىندا: 1) اڭگىمەلەسكەن جانە پوليگرافتى قولدانا وتىرىپ, تەستىلەۋ جۇرگىزگەن كەزدە اۋديوكورۋ قاداعالاۋى مەن جازبا جۇرگىزىلەتىنى; 2) ۇزدىكسىز تەكسەرۋ ۇزاقتىعىنىڭ 120 مينۋت قۇرايتىنى جانە قاجەت بولعان كەزدە 15 مينۋتقا دەيىن دەمالىس بەرىلەتىنى تۋرالى بەلگىلى بولدى. 3. سونداي-اق ماعان زەرتتەۋدىڭ قۇقىقتارى مەن مىندەتتەرى, پوليگراف جۇمىسىنىڭ قاعيداتى, تەستىلەۋ سۇراقتارىنىڭ تاقىرىبى ءتۇسىندىرىلدى. زەرتتەلەتىن ادامنىڭ قولى __________________________________________ 4. الكوگولگە نەمەسە ەسىرتكىگە ماس كۇيدە ەمەس ەكەنىمدى راستايمىن. زەرتتەلەتىن ادامنىڭ قولى __________________________________________ 5. زەرتتەۋ جۇرگىزۋ بارىسىندا اۋدارماشىنىڭ كومەگى قاجەت ەمەس. زەرتتەلەتىن ادامنىڭ قولى _____________________________________________________________ كۇنى جانە ۋاقىتى 20___ ج. «___» ____________ «___» ساعات «___» مينۋت 2-ءبولىم (تەستىلەۋ وتكىزىلگەن سوڭ تولتىرىلادى) مەن, __________________________________________________________________, (زەرتتەلەتىن دامنىڭ ت.ا.ءا.) 20___ج. «___» _______ _____ ساعات ____ مينۋتتان ____ ساعات __ مينۋتقا دەيىن (باستالعان ۋاقىتى) (اياقتالعان ۋاقىتى) وتكىزىلگەن پوليگرافولوگيالىق زەرتتەۋلەر شەڭبەرىندە تەستىلەۋدەن سوڭ, ______________________________________________________ بايلانىستى, (زەرتتەۋدىڭ نەگىزدەمەسى كورسەتىلەدى) مىنالاردى راستايمىن: 1) تەستىلەۋ ۋاقىتىندا ماعان الدىن الا تانىس بولعان تاقىرىپتاعى سۇراقتار قويىلدى; 2) ساۋال الۋ ۋاقىتىندا مەن تەستىلەۋ راسىمدەرىن ۇزۋگە نيەت بىلدىرگەن جوقپىن; 3) زەرتتەۋ راسىمدەرى جانە سۇراقتاردىڭ مازمۇنى مەنىڭ ادامگەرشىلىك قادىر-قاسيەتىمە نۇقسان كەلتىرگەن جوق جانە قورلاعان جوق; 4) ماعان قاتىستى قاۋىپ, كۇش جانە اسەر ەتۋدىڭ وزگە دە زاڭسىز ادىستەرى پايدالانىلعان جوق; 5) تەستىلەۋ جۇرگىزىلگەن سوڭ مەنىڭ پسيحيكالىق جانە دەنە دەنساۋلىعىم ناشارلاعان جوق. ەرەكشە پىكىر: __________________________________________________________________________ ___________________________________________________________________________ ____________________________________________________________________________ _____________________________________________________________________________ ________________________________ (قولى, ت.ا.ءا.) 20__ج. «_____» __________________ قازاقستان رەسپۋبليكاسىنىڭ قۇقىق قورعاۋ ورگاندارىندا پوليگرافولوگيالىق زەرتتەۋدەن ءوتۋ قاعيدالارىنا 3-قوسىمشا نىسان پوليگرافولوگيالىق زەرتتەۋدىڭ ناتيجەلەرى بويىنشا قورىتىندى 20__جىلعى «___» ___________ جولداۋ بويىنشا ___________________________________________________________________________ (باستاماشىنىڭ قىزمەتى, ت.ا.ءا.) ___________________________________________________________________________ (زەرتتەلەتىن ادامنىڭ ت.ا.ءا., تۋعان جىلى) پوليگرافولوگيالىق زەرتتەۋ جۇرگىزىلدى. زەرتتەۋ _____________________________________________________________ (وتكىزۋ ورنى) 20__ج. «___»___________ __________ - ____ارالىعىندا پوليگرافولوگ ______________ (باستالعان ۋاقىتى) (اياقتالعان ۋاقىتى) (ت.ا.ءا.) جۇرگىزدى. زەرتتەۋ _____________________________________ پوليگرافتا جۇرگىزىلدى. (ماركاسى, سەريالىق ءنومىرى) زەرتتەۋدىڭ نەگىزدەمەسى: _________________________________________ انىقتالۋى ءتيىس سۇراقتار: _______________________________________ ________________________________________________________________ (سۇراقتاردىڭ مازمۇنى) الىنعان پوليگراممالار _________________________ بويىنشا باعالاندى (ادىستەمە اتاۋى) تەستىلەۋ بارىسىندا زەرتتەلەتىن ادامنىڭ جاۋاپتارى كەزىندە مىناداي سۇراقتارعا فيزيولوگيالىق رەاكتسيالار الىندى: 1.______________________________________________________________ 2.______________________________________________________________ سونداي-اق, زەرتتەلەتىن ادام اڭگىمەلەسۋ پروتسەسىندە __________________ ________________________________________________________________ (زەرتتەلەتىن ادامنان قانداي دا بولماسىن قۇقىققا قايشى ارەكەتتەر تۋرالى الىنعان اقپارات كورسەتىلەدى) تۋرالى قوسىمشا حابارلادى. زەرتتەۋدىڭ ناتيجەلەرى مىناداي قورتىندى جاساۋعا مۇمكىندىك بەرەدى: ________________________________________________________________ ________________________________________________________________ پوليگرافولوگ: ___________________________________________________ (قولى, ت.ا.ءا.) 20__ج. «___» _________________