قازاقستان رەسپۋبليكاسى ۇكىمەتىنىڭ قاۋلىسى №679

2014 جىلعى 19 ماۋسىم,  استانا, ۇكىمەت ءۇيى «مەملەكەتتىك بازالىق زەينەتاقى تولەمىن بيۋدجەت قاراجاتى ەسەبىنەن بەرۋ, سونداي-اق ۋاكىلەتتى ۇيىمنان تولەنەتىن زەينەتاقى تولەمدەرىن, مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك بازالىق الەۋمەتتىك جاردەماقىلاردى, مەملەكەتتىك ارنايى جاردەماقىلاردى تاعايىنداۋ جانە تولەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 25 تامىزداعى № 819 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «مەملەكەتتىك بازالىق زەينەتاقى تولەمىن بيۋدجەت قاراجاتى ەسەبىنەن بەرۋ, سونداي-اق ۋاكىلەتتى ۇيىمنان تولەنەتىن زەينەتاقى تولەمدەرىن, مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك بازالىق الەۋمەتتىك جاردەماقىلاردى, مەملەكەتتىك ارنايى جاردەماقىلاردى تاعايىنداۋ جانە تولەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 25 تامىزداعى № 819 قاۋلىسىنا (قازاقستان رەسپۋبليكاسىنىڭ ءپۇاج-ى, 2006 ج., № 33, 355-قۇجات) مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن مەملەكەتتىك بازالىق زەينەتاقى تولەمىن بيۋدجەت قاراجاتى ەسەبىنەن بەرۋ, سونداي-اق ۋاكىلەتتى ۇيىمنان تولەنەتىن زەينەتاقى تولەمدەرىن, مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك بازالىق الەۋمەتتىك جاردەماقىلاردى, مەملەكەتتىك ارنايى جاردەماقىلاردى تاعايىنداۋ جانە تولەۋ قاعيدالارىندا: 6-تارماقتىڭ ءبىرىنشى بولىگى مىناداي رەداكتسيادا جازىلسىن: «6. مۇگەدەكتىگى بويىنشا بەرىلەتىن مەملەكەتتىك الەۋمەتتىك جاردەماقىلاردى تاعايىنداۋ ءۇشىن وسى قاعيدالاردىڭ 4-تارماعىندا كورسەتىلگەن قۇجاتتارمەن قاتار, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى باقىلاۋ جانە الەۋمەتتىك قورعاۋ كوميتەتى اۋماقتىق ورگاندارىنىڭ مەديتسينالىق-الەۋمەتتىك ساراپتاما بولىمدەرى بەلگىلەنگەن نىسانداعى مۇگەدەكتىگى تۋرالى انىقتامادان ءۇزىندى كوشىرمە بەرەدى.»; 39-تارماقتىڭ ەكىنشى بولىگى مىناداي رەداكتسيادا جازىلسىن: «شەتەلدىكتىڭ نەمەسە ازاماتتىعى جوق ادامنىڭ جەكە باسىن كۋالاندىراتىن قۇجاتتىڭ قولدانىلۋ مەرزىمى وتكەننەن كەيىن زەينەتاقى نەمەسە جاردەماقى تولەۋ توقتاتىلادى, ال جاڭا قۇجات ۇسىنىلعان كەزدە توقتاتىلعان زەينەتاقى مەن جاردەماقى تولەمدەرى ورتالىق بولىمشەسى توقتاتقان كۇننەن باستاپ, بىراق شەتەلدىكتىڭ نەمەسە ازاماتتىعى جوق ادامنىڭ جەكە باسىن كۋالاندىراتىن جاڭا قۇجاتپەن ءوتىنىش جاسار الدىنداعى ءۇش جىلدان اسىرماي قالپىنا كەلتىرىلەدى.»; 58-تارماق مىناداي رەداكتسيادا جازىلسىن: «58. زەينەتاقى نەمەسە جاردەماقى الۋشى ادام قايتىس بولعان جاعدايدا, ەگەر جەرلەۋگە بەرىلەتىن بىرجولعى تولەمگە ءوتىنىش زەينەتاقى نەمەسە جاردەماقى الۋشى قايتىس بولعان ايدان كەيىن ءۇش جىلدان كەشىكتىرىلمەي بەرىلگەن بولسا, ونى جەرلەۋدى جۇزەگە اسىرعان ادامعا قازاقستان رەسپۋبليكاسىنىڭ زاڭنامالىق اكتىلەرىندە بەلگىلەنگەن مولشەردە جەرلەۋگە بەرىلەتىن بىرجولعى تولەم تولەنەدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.