ءاليحان سمايىلوۆ قازاقستان بىرىككەن اراب امىرلىكتەرىمەن ينۆەستيتسيالىق ارىپتەستىكتى دامىتۋعا ەرەكشە ءمان بەرەتىنىن اتاپ ءوتتى. ماسەلەن, وتكەن جىلدىڭ قورىتىندىسى بويىنشا ءباا-دەن قازاقستانعا تارتىلعان ينۆەستيتسيا كولەمى 27%-عا ءوسىپ, شامامەن $420 ملن بولدى. وسى رەتتە بيىلعى قاڭتار ايىندا مەملەكەت باسشىسىنىڭ رەسمي ساپارى اياسىندا ەكى ەل ۇكىمەتتەرى جاڭا ستراتەگيالىق ينۆەستيتسيالىق جوبالاردى ىسكە اسىرۋ تۋرالى بىرلەسكەن دەكلاراتسياعا قول قويدى.
«بۇگىندە تاراپتاردىڭ جوعارى دەڭگەيدەگى ۋاعدالاستىقتاردى ورىنداۋعا كىرىسكەنى قۋانتادى. ءبىز ءوزارا ءىس-قيمىلدى جانداندىرۋعا, ونىڭ ىشىندە قازاقستان ەكونوميكاسىنا تارتىلاتىن ءباا ينۆەستيتسيالارىنىڭ كولەمىن ارتتىرۋعا مۇددەلىمىز», دەدى ءاليحان سمايىلوۆ.
سونىمەن قاتار ۇكىمەت باسشىسى ساۋدا قاتىناستارىن دامىتۋ دا باسىم مىندەت ەكەنىن ايتتى.
«ەكى ەلدىڭ كوشباسشىلارى ءوزارا تاۋار اينالىمىنىڭ كولەمىن $1 ملرد-قا دەيىن جەتكىزۋ مىندەتىن قويدى. وسىعان بايلانىستى قازاقستان اۋىل شارۋاشىلىعى, ماشينا جاساۋ جانە جەڭىل ونەركاسىپ سالالارى ونىمدەرىن ءباا نارىعىنا جەتكىزۋ كولەمىن ۇلعايتۋعا دايىن», دەدى پرەمەر-مينيستر.
ءوز كەزەگىندە مۇحاممەد سايد مۇحاممەد ءال-اريكي امىرلىكتەردىڭ ءوزارا ءتيىمدى مەملەكەتارالىق ىنتىماقتاستىقتى, ونىڭ ىشىندە قر پرەزيدەنتىنىڭ ءباا-گە ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردى جۇزەگە اسىرۋ جونىندەگى بىرلەسكەن ءىس-قيمىلدى ارتتىرۋعا دايىن ەكەنىن اتاپ ءوتتى.
