ءماجىلىس دەپۋتاتى ەكولوگيالىق احۋالعا الاڭداۋشىلىق ءبىلدىرىپ, ماسەلە قوزعادى. دەپۋتاتتىڭ بۇل ۇرپاقتىڭ ۇلەسىن ساقتاۋ ءۇشىن دەپ دابىل قاعۋى دا ورىندى. ويتكەنى الەم بويىنشا قازاقستان ەكولوگيالىق احۋال جونىنەن 180 ەلدىڭ ىشىندە 93-ورىندا. بۇل ەلىمىزدە ماسەلەنىڭ بار ەكەنىنىڭ دالەلى.
ء«وزىڭىز بىلەتىندەي ەلىمىزدەگى وزەندەر مەن كولدەردىڭ سۋ دەڭگەيى سوڭعى جىلدارى كۇرت تومەندەپ جاتىر. ال وسىلاردىڭ سەبەبىن انىقتاپ, الدىن الۋ اركەتتەرىن جاساپ جاتقان جاۋاپتى ورگانداردى ءوز باسىم ءالى كورگەن جوقپىن. سوزىمە دالەل بولاتىن كورسەتكىشتەر ەكولوگيا جانە تابيعي رەسۋرستار مينيسترلىگىندە تولىقتاي بار», دەدى رينات زايىتوۆ.
ءماجىلىس دەپۋتاتى كەلتىرگەن دەرەكتەردە سۋ دەڭگەيىنىڭ ەداۋىر تومەندەگەنى ايقىن كورسەتىلگەن. دەپۋتاتتىق ساۋالىندا جەرگىلىكتى حالىقتىڭ ماسەلەسىن جەتكىزىپ, ولاردىڭ جانايقايىنا قۇلاق تۇرەتىن ادام كەرەك دەدى. سونداي-اق ارنايى كوميسسيا قۇرۋدى ۇسىندى.
«ال وسى ماسەلە بويىنشا جەرگىلىكتى حالىقتىڭ الاڭداپ شىققان اششى داۋىسىن ەستىپ جاتقان ەشكىم جوق پا؟ تىلگە تيەك ەتەتىن بولسام شقو مارالدى اۋدانى ماڭىنان بىرنەشە تالاپتاردى ورەسكەل بۇزىپ, جۇمىس جۇرگىزگەلى جاتقان التىن ءوندىرۋشى فابريكالاردى سالۋعا جەرگىلىكتى حالىقتىڭ قارسىلىعىن نەگە ەستىمەيمىز. اباي وبلىسىنداعى اياگوز وزەنىنىڭ سۋ دەڭگەيى 2019-2021 جىلدار اراسىنداعى جوعارى كورسەتكىشى بالتىق جۇيەسى بويىنشا 550 سم-دەن 162 سم-گە دەيىن تومەندەۋىنە نە سەبەپ؟ بۇعان دا جاۋاپ بەرە الاتىندارىڭىزعا كۇمانىم بار. ويتكەنى اياگوز اۋدانىندا ەكولوگ مامانى دا جوق. ارنايى كوميسسيا قۇرۋدى جانە كوميسسيا جۇمىسىنا بارىنشا كومەك كورسەتۋدى سۇرايمىن», دەدى ءماجىلىس دەپۋتاتى رينات زايىتوۆ.
