نيكيتا ميحايليس مانسابىنىڭ ءبىراز بولىگىن «بارىس» حوككەي كلۋبىندا وتكىزدى, ال كاسىبي حوككەيدەگى مانسابىن «بارىس استانا-2» كومانداسىنان باستادى, كەيىن «قار بارىستارى», «نوماد» جانە وسكەمەندەگى «تورپەدو» كوماندالارى ساپىندا دا ونەر كورسەتكەن.
2014 جىلدان باستاپ ميحايليس «بارىسقا» تارتىلا باستادى, بىرتىندەپ نەگىزگى قۇرامنىڭ ويىنشىسى دا بولدى. 2021/22 ماۋسىمدا نيكيتا 46 (19+27) ۇپاي جيناپ, جەكە ۇپاي رەكوردىن ورناتتى. ال كەلەسى جىلى شابۋىلشى كوماندا كاپيتانى اتاندى.
قازاقستاندىق فورۆارد U-18 كومانداسىنان باس كومانداعا دەيىنگى جولدى ءجۇرىپ ءوتىپ, ەل قۇراماسىنىڭ قۇرامىنا كىردى.
ايتا كەتسەك, نيكيتا ميحايليس لاتۆياداعى 2023 جىلعى الەم چەمپيوناتىنىڭ توپتىق كەزەڭىندە قحل-دان ۇزدىك حوككەيشى اتاندى. سول كەزدە ميحايليس جەتى ماتچتا ەكى شايبانى لاقتىرىپ, ءۇش ناتيجەلى پاس بەردى.
