2023 جىلدىڭ 1 شىلدەسىنەن باستاپ بىرىڭعاي جيناقتاۋشى زەينەتاقى قورىنىڭ سالىمشىلارى زەينەتاقى جيناقتارى سوماسىنىڭ 50 پايىزىنا دەيىن جەكە باسقارۋشى ينۆەستيتسيالىق كومپانيالارعا بەرە الادى. وسى تۇستا پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ باق وكىلدەرىن قىزىقتىرعان سۇراقتارعا جاۋاپ بەردى.
«تاريحقا قايتا ورالساق, بجزق نە ءۇشىن قۇرىلدى؟ بجزق حالىقتىڭ كوبىرەك قاراجات جيناۋى ءۇشىن جانە بىرتە-بىرتە ىنتىماقتىق جۇيەنىڭ جويىلىپ, بولاشاقتا ازاماتتاردىڭ زەينەتاقىنى بجزق-دان الۋى ءۇشىن قۇرىلعان. قازىر ءبىز شەكتەۋدى قايتا قارادىق. بىراق قارجىسىن شەشىپ الۋعا اسىققان ادامداردىڭ قورداعى اقشاسى از قالتىنىن دا ۇمىتپاۋ قاجەت. ەسەپتەۋلەر بۇل قاراجاتتىڭ جەتكىلىكتى ەكەنىن كورسەتىپ وتىر. دەسە دە, جيناقتاعى قاراجاتتى ازىراق تارتۋ كەرەك ەكەنىن جاقسى تۇسىنەمىز. بىراق اسكەري قىزمەتكەرلەرگە قاتىستى وسىنداي ساياسي شەشىم قابىلدانعان. بۇعان قاتىستى ەڭبەك مينيسترلىگىنىڭ ءوز ەسەبى بار. حالىقتىڭ شىعارىپ العان سوماسى سونشالىقتى ۇلكەن قاراجات ەمەس – 3 ترلن تەڭگەدەن اسادى. بىراق سوعان قاراماستان بجزق-نىڭ تۇراقتى بولعانىن قالايمىن. بىرىنشىدەن, بۇل – ءبىزدىڭ بولاشاعىمىز, بارلىق زەينەتكەرلەردىڭ بولاشاعى», دەدى مينيستر.
ءسوز سوڭىندا ەرۇلان جاماۋباەۆ وسى ۋاقىتقا دەيىن بجزق جيناعىنان بىردە-ءبىر رەت زەينەتاقى شەشىپ الماعانىن اشىق ايتتى. مينيستر بۇل قاراجاتتى بولاشاقتا ينۆەستيتسيالىق جوبالارعا جۇمساۋعا بولاتىنىن جانە باسقا ەلدەردە مۇنداي ارتىقشىلىق جوق ەكەنىنىن ءتۇسىندىردى.
