«بىرلىگىمىز – ارالۋاندىقتا. بۇل – ءبىزدىڭ ەڭ باستى ۇرانىمىز ءارى ۇستانىمىمىز. قازاق بولسىن, باسقا ۇلت بولسىن – ءبارىمىز ءبىر حالىقپىز. سوندىقتان ءبارىمىز حالقىمىزدىڭ, ەلىمىزدىڭ وركەندەۋىنە قىزمەت ەتۋىمىز كەرەك. بارشاڭىزعا باق-بەرەكە تىلەيمىن. ءبىز ءاردايىم بىرگە بولامىز. العا قادام باسۋ ءۇشىن اۋىزبىرشىلىگىمىزدى, دوستىعىمىز بەن تۇراقتىلىعىمىزدى كوزدىڭ قاراشىعىنداي ساقتاۋىمىز كەرەك. ارينە, ەلىمىزدە الەۋمەتتىك-ەكونوميكالىق جانە قوعامدىق سيپاتتاعى ماسەلەلەر بار. پروبلەماسىز ەل بولمايدى. ءتىپتى, ەڭ دامىعان, باقۋاتتى ەلدەردە دە پروبلەما بار. ەگەر ەلدە ءتارتىپ بولسا, زاڭ قاتاڭ ساقتالسا, كوزدەگەن ناتيجەگە قول جەتكىزەمىز» دەدى پرەزيدەنت.
پرەزيدەنت قوعام بەلسەندىلەرىمەن ەلدىڭ دامۋى جانە وسكەلەڭ ۇرپاق تاربيەسى جونىندە پىكىر الماستى.
مەملەكەت باسشىسى قازاق ادەبيەتىنىڭ جارقىن وكىلى, اقىن ماعجان جۇماباەۆتىڭ 130 جىلدىعىن جوعارى دەڭگەيدە اتاپ ءوتۋ قاجەت ەكەنىن ايتتى.
