اڭگىمە بارىسىندا قاسىم-جومارت توقاەۆ رەجەپ تايپ ەردوعاندى پرەزيدەنت سايلاۋىنداعى جەڭىسىمەن قۇتتىقتادى. مەملەكەت باسشىسى تۇركيا رەسپۋبليكاسىنىڭ 100 جىلدىعى قارساڭىندا وتكەن پرەزيدەنت سايلاۋىنداعى رەجەپ تايپ ەردوعاننىڭ ايقىن جەڭىسى ونىڭ تۇركيانى دامىتۋعا قوسقان زور ۇلەسى مەن قوعامداعى بيىك بەدەلىنىڭ ناتيجەسى ەكەنىن اتاپ ءوتتى.
پرەزيدەنت باۋىرلاس ەكى مەملەكەتتىڭ سان عاسىرلىق ورتاق تاريحى مەن مادەنيەتىنىڭ تامىرى تەرەڭدە جاتقانىن اتاپ ءوتىپ, تۇركيامەن اراداعى كەڭەيتىلگەن ستراتەگيالىق سەرىكتەستىكتى ودان ءارى دامىتۋعا دايىن ەكەنىن جەتكىزدى.
سونداي-اق قاسىم-جومارت توقاەۆ رەجەپ تايپ ەردوعاندى وسى جىلدىڭ كۇزىندە تۇركى الەمىنىڭ رۋحاني استاناسى – تۇركىستاندا وتەتىن تۇركى مەملەكەتتەرى ۇيىمىنىڭ 10-شى مەرەيتويلىق سامميتىنە قاتىسۋعا شاقىردى. ءوز كەزەگىندە تۇركيا پرەزيدەنتى مەملەكەت باسشىسىنا العىسىن ايتىپ, باۋىرلاس قازاقستان حالقىنىڭ ءوسىپ-وركەندەي بەرۋىنە تىلەكتەستىك ءبىلدىردى.
