قوسىمشادا تاريح تۋرالى ءبىلىمدى ويىن تۇرىندە بەكىتۋگە كومەكتەسەتىن ينتەراكتيۆتى تاپسىرمالار مەن تەستتەر بار. قازاقستان تاريحى بويىنشا تەستىلەۋ قوسىمشاسىندا 130 تاقىرىپقا قاتىستى 4 726 سۇراق ەنگىزىلگەن.
«مەنىڭ وقۋشىلارىمنىڭ ءبىرىنىڭ تاريح پانىنە قىزىعۋشىلىعى تومەن بولدى. ەسەسىنە ينفورماتيكانى جاقسى كورەتىن. بىردە وعان وسى ەكى باعىتتى بىرىكتىرىپ, سمارتفونعا ارنالعان قوسىمشا ويلاپ تابايىق. ول كۇردەلى تاقىرىپتاردى وڭاي ەستە ساقتاپ, ءوز ءبىلىمىڭدى تەكسەرۋ ءۇشىن كومەكشى قۇرال بولۋى كەرەك دەگەن ەدىم. جوبا جۇزەگە استى, قازىر بۇل يدەيا مىڭداعان وقۋشى مەن مۇعالىمنىڭ كوڭىلىنەن شىعىپ جاتىر», دەيدى سەرگەي نيكۋلين.
سەرگەي نيكۋلين − «قازاقستان تاريحى بويىنشا 4000 جاۋاپ», «قازاقستان تاريحىنىڭ قىسقاشا كۋرسى», «قازاقستان تاريحىنىڭ مەكتەپ كۋرسى», «قازاقستان تاريحى بويىنشا مەكتەپ كۋرسى» سياقتى ۇبت-عا دايىندىق بويىنشا ادىستەمەلىك قۇرالداردىڭ اۆتورى. ول وڭىرگە «زاكروما يستوريكا» ينتەرنەت-رەسۋرسى جانە «تاريحشى نيكۋلين» اتتى جەكە سايتىمەن تانىمال. پەداگوگ «ورلەۋ» بىلىكتىلىكتى ارتتىرۋ ورتالىعىندا ءوزىنىڭ ساباق بەرۋ تاجىريبەسىمەن ءبولىسىپ, وبلىس پەداگوگتەرى ءۇشىن شەبەرلىك سىنىپتارىن ۇيىمداستىرادى.
