مەديتسينالىق مەكەمە ءمجا بويىنشا سالىنعان. اۋرۋحانا 19 مىڭنان استام پاتسيەنتكە قىزمەت كورسەتۋگە قاۋقارلى. سونداي-اق مۇندا ارەڭ جۇرەتىن ناۋقاستار ءۇشىن بارلىق جاعداي جاسالعان.
ء«بىزدىڭ ەمحانا 1978 جىلى سالىنعان عيماراتتا بولعان. وعان ەشقاشان كۇردەلى جوندەۋ جاسالماعان ەدى. ءبىز ءوز جۇمىسىمىزدى وتباسىلىق-دارىگەرلىك امبۋلاتوريا رەتىندە باستادىق, 2000 جىلى ەمحاناعا اينالدىردىق», دەيدى № 2 ەمحانانىڭ ديرەكتورى ايناگۇل كۇلەمباەۆا.
ەندى پاتسيەنتتەر مەديتسينالىق-سانيتاريالىق العاشقى كومەك قىزمەتتەرىنىڭ بارلىق تىزبەسىن, ارنايى مامانداردىڭ كونسۋلتاتسياسىن الا الادى. اناليزدەر تاپسىرىپ, كۇندىزگى ستاتسيوناردا ەمدەلۋگە بولادى, سونداي-اق وڭالتۋ كومەگى مەن فيزيوتەراپيا الۋعا مۇمكىندىك بار.
ەمحانانىڭ جانىنداعى جەدەل جاردەم, الەۋمەتتىك ءدارىحانانىڭ, پاتسيەنتتەردى قولداۋ قىزمەتىنىڭ جۇمىسى جولعا قويىلعان.
ەمحانانىڭ جاڭا عيماراتىندا دياگنوستيكالىق قىزمەتتەر دە كوزدەلگەن. ۋلترادىبىستىق زەرتتەۋلەردىڭ تولىق سپەكترى, ەندوسكوپيالىق زەرتتەۋلەر - ەزوفاگوگاسترودۋودەنوسكوپيا, كولپوسكوپيا بار. جەكە ءۇي-جايدا رەنتگەن اپپاراتى ورناتىلعان, سونداي-اق پاتسيەنتتەر ترەدميل-تەست پەن ۆەلوەرگومەتردى قولدانا وتىرىپ جۇكتەمە سىنامالارىن تاپسىرا الادى, ەلەكتروكارديوگرافيادان, ەكگ حولتەر مونيتورينگىنەن, قان قىسىمىنىڭ تاۋلىكتىك مونيتورينگىنەن, اۋديومەتريادان وتە الادى.
ايتا كەتەيىك جاڭا اۋرۋحانادا مۇمكىندىگى شەكتەۋلى جاندارعا بارلىق جاعداي جاسالعان.
