بىردەن 153 اۆتوكولىك بەرىلدى

بۇگىنگى وسكەن ومىردە مۇنداي جايلار تاڭسىق ەمەس. دەنساۋلىق ساقتاۋ, قۇقىق قورعاۋ, مادەنيەت, ءبىلىم بەرۋ جانە سپورت سالاسى مەكەمەلەرىنىڭ اۆتوپاركى جىل سايىن جاڭا اۆتوموبيلدەرمەن تولىعىپ جاتۋى قالىپتى قۇبىلىسقا اينالعانى بەلگىلى. ايتسە دە, وسىندايعى ءار ءسات ەرەكشە دە قۋانىشتى وقيعا رەتىندە ەستە قالۋىمەن ەلەۋلى. كەشە قاراعاندى وبلىستىق ءىىد اۆتوكولىك قۇرامى بىردەن  قىزمەتتىك 153 جۇردەك ماشيناعا ۇلعايۋى سونداي جايت بولدى. «شكودا», «تويوتا حايس», «نيۆا» ماركالى تەمىر تۇلپار­لار قوعامدىق ءتارتىپ ساقشىلارى قولىنا ءتيدى. سونىڭ ىشىندە جول كۇزەتى قىزمەتىنە ارنالعان «تويوتا حايستىڭ» جول ەرەجەسىن بۇزۋشىلاردى, قۋىپ اكەتۋشىلەردى, ايىپپۇل تولەمەۋشىلەردى تەز انىقتاۋدىڭ قۇرال-جابدىقتارىمەن تولىق جاراقتالعان ءتۇرى قابىل­داۋشىلاردى قۋانتتى. اۆتوموبيلدەردى تاپسىرۋ ءراسىمى تاۋەلسىزدىك الاڭىندا ءوتتى. الدىمەن قاز-قاتار تىزىلگەن ارناۋلى كولىكتەردىڭ ىشكى جابدىقتالۋىن كورگەن وبلىس اكىمى نۇرمۇحامبەت ابدىبەكوۆ ەلباسىنىڭ تاپسىرماسىنا سايكەس قۇقىق قورعاۋ ور­گاندارىنىڭ ماتەريالدىق-تەح­ني­كالىق بازاسىن نىعايتۋ باعى­تىندا بارلىق ءىس-شارالار قولدا­نىلۋىن, ماسەلەن, جەرگىلىكتى بيۋدجەتتەن وسى ماقساتقا 11 ملرد. تەڭگە ءبولىنۋىن ايتىپ, كىلتتەردى وبلىستىق ءىىد باستىعى, گەنەرال-مايور مەرگەنباي جاپپاروۆقا تابىس ەتتى. ماشينالاردىڭ ءبىرازى اۋدان­­داردىڭ ۋچاسكەلىك ينسپەك­تور­لارى­نىڭ پايدالانۋىنا بەرىلدى. «بۇل قىزمەتتىك اۆتوكولىكتەردىڭ جۇمىسىمىزعا زور كومەگى تيمەك. سونىڭ ارقاسىندا قىلمىستىڭ الدىن الۋ, قۇقىق بۇزۋشىلىقتى بولدىرماۋ, قىلمىستاردىڭ ءىزىن سۋىتپاي اشۋ جەڭىلدەيتىنى داۋسىز. مەملەكەتىمىزدىڭ مىندەتىمىزدى اتقارۋعا جاقسى جاعداي جاساۋى جاۋاپكەرشىلىكتى كۇشەيتەدى», دەدى بۇقار جىراۋ اۋدانىنداعى كوكپەكتى اۋىلدىق وكرۋگىنىڭ ۋچاسكەلىك ينس­پەكتورى تۇرار قۇساەۆ. بىلتىر دا وسىنشا ارناۋلى كولىك بەرىلگەن ءىىد اۆتوپاركى تاعى بىرنەشە تۇرىمەن تولىقتى. ايقىن نەسىپباي, «ەگەمەن قازاقستان». قاراعاندى.